အမှိုက် (၄)

အမှိုက်ကြောင့် ပဋိပက္ခဖြစ်ခြင်း

ဒီလို အမှိုက်ပုံ နဲ့ မကြုံတွေ့ရလို့ အမှိုက်ရဲ့ ဆိုးကျိုးကို ထိထိရောက်ရောက် မခံစားရတဲ့ အသိုင်းအ၀ိုင်းကို အမှိုက်ပုံမှာ နေထိုင်ရသူတွေရဲ့ဆိုးကျိုးကို စာနာနိုင်ဖို့ လုပ်ဆောင်မှုတချို့ ပေါ်ထွက်လာခဲ့တယ်။ ဒီလိုလုပ်ဆောင်တဲ့ အုပ်စုတွေထဲက အဓိက လူစု (၂) စု ပါဝင်ခဲ့ပါတယ်။ တစ်ဖွဲ့က မြူနီစီပယ် အမှိုက်ကျုံး အလုပ်သမားတွေ ဖြစ်ပြီး ကျန်တဲ့ အဖွဲ့ကတော့ အမှိုက်ပုံဘေးနားမှာနေပြီး အမှိုက်ရဲ့ ဆိုးကျိုးကို ခံစားနေရတဲ့ သူတွေပဲ ဖြစ်ပါတယ်။ ပြီးခဲ့တဲ့ ဆယ်စုနှစ်တွေက အမှိုက် နဲ့ ပတ်သတ်တဲ့ ဆန္ဒပြမှု အကျပ်အတည်းတွေ ဖြစ်ခဲ့ပြီး အမှိုက်ကျုံးအလုပ်ကို လုပ်ကိုင်ကြသူတွေက လုပ်ခခံစားခွင့် နဲ့ အလုပ်အကိုင် တည်မြဲရေးတို့အတွက် တောင်းဆိုခဲ့တယ်။

၁၉၈၆ ခုနှစ်မှာ ဖိလယ်ဒဲဖိယား၊ ၂၀၀၆ ခုနှစ်မှာ နူးယော့ခ်မြို့တော်၊ ၂၀၀၂ ခုနှစ်မှာ တိုရန်တို နဲ့ အွန်တေရီယို၊ ၂၀၀၃ ခုနှစ်မှာ ရှေကာဂို၊  ၂၀၀၇ ခုနှစ်မှာဆို ဗန်ကူးဗား၊ ၂၀၀၆ ခုနှစ်မှာ ဂရိက အေသင်၊ ၂၀၀၇ ခုနှစ်မှာ စပိန်က အလမ်နီးကား စတဲ့ မြို့တွေမှာ အမှိုက်နဲ့ ပတ်သတ်တဲ့ ဆန္ဒပြအရေးဆိုမှုတွေ ဖြစ်ခဲ့တယ်။ ဒီလို လှုပ်ရှားမှုတွေရဲ့ နောက်ကွယ်က အခြေအနေတွေ နဲ့ ကြာမြင့်ချိန်တွေဟာ အမျိုးမျိုးပါပဲ။ (တချို့အဖြစ်အပျက်တွေမှာ တစ်ရက် နှစ်ရက်ပဲ ကြာပေမယ့် တချို့ အဖြစ်အပျက်တွေကတော့ လပေါင်းများစွာကြာတဲ့ အထိ ဖြစ်ပျက်ခဲ့ကြပါတယ်။) ဒါပေမယ့် ဒီအဖြစ်အပျက်တွေရဲ့ ဘုံတူညီမှုကတော့ အမှိုက်ကို နိုင်ငံရေး အသုံးချပစ္စည်း ( Political Tool) အဖြစ် သုံးခဲ့ကြတာပဲ ဖြစ်ပါတယ်။ အဖြစ်အပျက်တိုင်းမှာ မြူနီစီပယ် အာဏာပိုင်တွေ၊ အမှိုက်သယ်တဲ့ ကုမ္ပဏီတွေ၊ ဥပဒေပြုတွေဟာ သူတို့ အလုပ်သမားတွေ၊ အလုပ်သမားကိုယ်စားလှယ်တွေ နဲ့ မဖြစ်မနေ ဆွေးနွေးခဲ့ရတယ်။ ဘာဖြစ်လို့လဲ ဆိုတော့ ဒေါသထွက်နေတဲ့ဒေသနေ ပြည်သူတွေရဲ့ မြင်ကွင်းကနေ အမှိုက်တွေကို မြန်မြန် ပျောက်ကွယ်သွားစေချင်လို့ပဲ ဖြစ်ပါတယ်။

ဒီလို အမှိုက်ကို နိုင်ငံရေးအသုံးချ ပစ္စည်း အဖြစ် လုပ်ခဲ့တဲ့ အဖြစ်အပျက်တွေထဲမှာ အမှိုက်ပုံမယ့် လမ်းကြောင်းကို ပိတ်ထားလို့ အမှိုက်တွေ မကျုံးနိုင်ဘဲ မြို့ပြနေရာတွေမှာ အမှိုက်တွေကို စုပုံစေတာပဲ ဖြစ်ပါတယ်။ ဒီလို အဖြစ်အပျက်ကတော့ မက္ကဆီကိုက အောက်ဆာကာ မှာ ဖြစ်ခဲ့ပါတယ်။ ၂၀၀၀ ခု အစောပိုင်းနှစ်တွေတုန်းက တမြို့လုံးနီးပါးက အမှိုက်စုပုံတဲ့ နေရာနားမှာ ကျူးကျော်နေထိုင်ကြတဲ့ သူတွေက မြူနီစီပယ်က အမှိုက်မပုံနိုင်အောင် အမှိုက်ကားတွေကို လမ်းပိတ်ထားခဲ့ကြတယ်။ ဒီလို လမ်းပိတ်ဆို့ထားတာတွေကို အမှိုက်ပစ်ဖို့ လာတဲ့ အကြိမ်တိုင်းမှာ လုပ်ခဲ့ကြတယ်။ ဒါကြောင့် မြူနီစပယ် အရာရှိတွေက အမှိုက်သိမ်းတာကို ရွှေ့ဆိုင်းထားပြီး အမှိုက်တွေကို လမ်းပေါ်မှာ စွန့်ပစ်မယ့် အစား  အိမ်တွေမှာပဲ စုထားဖို့ မြို့နေလူထုကို ပြောခဲ့တယ်။ မြူနီစပယ်ရဲ့ အလုပ်က မြို့ကို သန့်ရှင်းရမယ်လို့ ယူဆကြတဲ့ လူထုက မြူနီစီပယ်ရဲ့ ပြောဆိုမှုကို အလေးမထားခဲ့ကြဘူး။ အမှိုက်တန်ရာပေါင်းများစွာကို ပန်းခြေတွေမှာ၊ လမ်းထောင့်တွေ နဲ့ ဈေးအနီးအနားဝန်းကျင်တွေမှာ စွန့်ပစ်ခဲ့ကြတယ်။

ဒီမြို့မှာ နေထိုင်သူတွေဟာ အမှိုက်တွေကို မြင်တွေ့ရပြီး အနံ့အသက်ဆိုးတွေ ရတော့ စိတ်အနှောင့် အယှက်ဖြစ်ကြရတယ်။ အမှိုက်တွေက ကြွက်တွေကို ဆွဲဆောင်တယ်။ နောက် အင်းဆက်ပိုးမွှားတွေ၊ ခွေးလေ ခွေးလွင့်တွေ ရောက်လာကြတယ်။ ဒီအတွေ့အကြုံတွေက ခရီးသွားလုပ်ငန်းကို အဓိက မှီခိုနေရတဲ့ သူတို့ မြို့ကို ခရီးသွားတွေရဲ့ အထင်သေးမှုကို ဖြစ်စေတယ်။ ဒါ့ကြောင့် မြူနီစီပယ် အာဏာပိုင်တွေဟာ ဒီအမှိုက်တွေကို စွန့်ပစ်ဖို့ အတွက် အမှိုက်ပစ်လမ်းကို ပိတ်ဆို့ထားတဲ့ ဆန္ဒပြသူတွေကို မဖြစ်မနေညှိုနှိုင်းရတော့တယ်။ အမှိုက်ပတ်ဝန်းကျင်နေထိုင်ကြသူတွေက အမှိုက်စွန့်ပစ်စီမံခန့်ခွဲတာနဲ့ ပတ်သတ်လို့ အဓိကထား ညှိုနှိုင်းကြပါတယ်။ ဒါပေမယ့် မြူနီစီပယ်အာဏာပိုင်တွေက အမှိုက်ပုံဝန်းကျင်မှာ မီးကာကွယ်မှု သေချာမပြုနိုင်တာရယ်၊ အမှိုက်ပမာဏစွန့်ပစ်စုပုံနိုင်တာထက် များပြားလွန်းတာရယ် ကြောင့် အမှိုက်ပုံဝန်းကျင်က လူတွေ ကျေနပ်အောင် လျှပ်စစ်သွယ်ပေးရတယ်။ ဆေးခန်း နဲ့ စုဝေးခန်းမတွေပါ ဆောက်လုပ်ပေးဖို့ သဘောတူရပါတယ်။ ဒီလိုနဲ့ပဲ အနှိမ်ခံ အကျဉ်ခံ အသိုင်းအ၀ိုင်းဟာ သူတို့ ရဲ့ မြို့ပြဆိုင်ရာ အခွင့်အရေးတွေ ရရှိအောင် အမှိုက်ကို အသုံးချခဲ့ကြတယ်။
          မြူနီစီပယ် အလုပ်သမားတွေပဲ ဖြစ်ဖြစ်၊ အမှိုက်ပုံဝန်းကျင်က အသိုင်းအ၀ိုင်းကပဲ ဖြစ်ဖြစ် အမှိုက်ကို နိုင်ငံရေး အသုံးချခံပစ္စည်း အဖြစ် သုံးတဲ့နေရာမှာ အမှိုက်ရဲ့ ဆိုးရွားတဲ့ အနံ့အသက် နဲ့ ရောဂါပိုးမွှားတွေ ဖြစ်စေတယ်ဆိုတဲ့ အချက်ကို ကိုင်စွဲကြပါတယ်။ ဒါ့ကြောင့် ဖွံ့ဖြိုးပြီး နိုင်ငံတွေရဲ့ ပြည်သူတွေဟာ အမှိုက်ကို မြင်ကွင်းမှာ မမြင်မတွေ့လို ကြပါဘူး။ အမှိုက်ဟာ သူတို့ မျက်ကွယ်မှာပဲ ရှိနေရမယ်လို့ စိတ်ထဲမှာ စွဲနေကြပါတယ်။ ဒီလိုမှ မဟုတ်ဘဲ အမှိုက်ဟာ မမျှော်လင့်ဘဲ သူတို့ ရှေ့မှောက်မှာ ရှိနေမယ်ဆိုရင် သူတို့ရဲ့ အမှိုက်အများကြီးစွန့်ပစ်နေတဲ့ စားသုံးမှုပုံစံကို သတိပေးနေသလို ဖြစ်နေပါတယ်။

အန္တရာယ် ဖြစ်စေနိုင်တဲ့ အမှိုက်နဲ့ ရိုးရိုးအမှိုက်တွေကို အဓိပ္ပာယ်ဖွင့်ဆိုမှုဟာ နေရာအခြေအနေအမျိုးမျိုးပေါ်မူတည်နေပါတယ်။ ဒါပေမယ့် အမှိုက်ကို ဘယ်နေရာမှ စွန့်ပစ်မယ်ဆိုတဲ့ ဆုံးဖြတ်ချက်နဲ့ပတ်သတ်လို့ကတော့ မေးခွန်းထုတ်စရာပါ။ နိုင်ငံတကာ အမှိုက် နဲ့ ဆိုင်တဲ့ ပတ်ဝန်းကျင်ဆိုင်ရာ အကြောင်းခြင်းရာတွေမှာ နိုင်ငံတစ်နိုင်ငံရဲ့ သြဇာ၊ စီးပွားရေး ဆက်နွယ်မှုတွေဟာ အရေးပါတဲ့ အချက်တွေ ဖြစ်ပါတယ်။ ဒါတွေဟာ အရေးပါတယ်ဆိုတာကို အိုင်ဗရီကို့စ်က အမှိုက်မှု ကိစ္စရယ် ၊ ဆိုမာလီပင်လယ်ဓါးပြတွေရဲ့ အဖြစ်အပျက်တွေက သက်သေခံနေပါတယ်။ တခြားတစ်ဘက်မှာလည်း မြူနီစီပယ် အလုပ်သမားတွေ နဲ့ အမှိုက်တောနားက လူတွေဟာ အမှိုက်ကို အသုံးချပြီး သူတို့ရဲ့သြဇာကို တိုးမြှင့်အောင်၊ သူတို့ရဲ့ ၀င်ငွေကို တိုးတက်အောင်လုပ်ဆောင်ကြတယ်။ဒါ့ကြောင့် အမှိုက်စီမံခန့်ခွဲမှုဟာ နည်းပညာ တစ်ခုတည်းနဲ့ ဆိုင်တာ မဟုတ်ဘဲ တခြား ကျယ်ပြန့်တဲ့ လူမှုအကြောင်းအရာတွေနဲ့ပါ သက်ဆိုင်တယ်ဆိုတာ ထင်ရှားပါတယ်။

 Source: Sarah A. Moore (2011)  Global garbage: waste, trash trading, and local garbage politics

ဖွံ့ဖြိုးမှုတွေ နဲ့ အတူ ပျက်စီးမှုတွေဟာ ရောက်ရှိလာပါတယ်

ဖလီမွန် နဲ့ ဗျူဆစ် ဆိုတဲ့ သဘောကောင်းလှတဲ့ အဖိုးအဘွားမောင်နှံဟာ ပင်လယ်ကမ်းစပ် နေရာလေးမှာ နှစ်ပေါင်းများစွာ နေထိုင်လာကြပါတယ်။ သူတို့ဟာ သောင်ကုန်းပေါ်မှာရှိတဲ့ လှပတဲ့ အိမ်ကလေး မှာ နေထိုင်ကြပြီး အဲ့ဒီအိမ်ကလေးမှာ ခေါင်းလောင်းလေးတွေ အစီအရီရှိတဲ့ ၀တ်ပြုဆောင်ကလေး နဲ့ အတူ၊ အိမ်ဘေးမှာ ဥယျာဉ်ကလေးကိုလည်း သူတို့တွေ ပိုင်ဆိုင်ခဲ့ကြတယ်။သူတို့ဟာ သင်္ဘောသားတွေ နဲ့ ခြေသလုံးအိမ်တိုင်သမားတွေကို အကူအညီပေးတယ်။ နွေးထွေးဖော်ရွေမှုတွေ ပေးခဲ့တယ်။ 

ဒီအဖိုးအဖွားမောင်နှံကို အခုတော့ ပုစွန်ကန်တွေ ပိုင်ဆိုင်လာတဲ့ ပိုင်ရှင်အသစ်က နှင်ထုတ်နေပါတယ်။ နှစ်ပေါင်း (၄၀) ကျော်ကြာ သူတို့ဟာ ဒီရေတောက သစ်တွေ နဲ့ အိမ်ဆောက်ထားတယ်။ ဒီရေတောထဲက ဓနိရွက်နဲ့ အိမ်ကို မိုးထားကြတယ်။ သူတို့ အိမ်ကလေးဟာ ပင်လယ်ကွေ့ ကမ်းစပ်အ၀မှာ နေထိုင်လာကြတယ်။ဒီဇနီးမောင်နှံရဲ့ အဓိက အသက်မွေးဝမ်းကြောင်းမှုကတော့ ငါးဖမ်းတယ်။ အနီးအနားဝန်းကျင်ကနေ သစ်တွေ ၊ ပျားရည်တွေ စုဆောင်းတယ်။ 

ဟွန်ဒူးရပ် ဗဟိုအစိုးရက နိုင်ငံရေး နဲ့ ဆက်နွယ်ပတ်သတ်တဲ့ ပိုင်ရှင်အသစ်ကို နိုင်ငံခြားကို တင်ပို့မယ့် ပုစွန်တွေ မွေးမြူရေးလုပ်ဖို့ မြေယာတွေ ငှားရမ်းပေးလိုက်ပါတယ်။ ဒီနောက်တော့ အဖိုးအဘွား အိမ်ကလေးဟာ ပတ်ဝန်းကျင်နဲ့ အဆက်ဖြတ်ထားတာကို ခံရပါတယ်။ အိမ်ကလေးဟာ ပုစွန်ကန်တွေရဲ့ အလယ်မှာ အထီးကျန်ကျန်ရှိနေပါတော့တယ်။ ပင်လယ်ကို ထွက်ဖို့ မရအောင်လည်း လုပ်ထားတာ ခံရပါတယ်။ သူတို့ မောင်နှံဟာ ဒီပင်လယ်ကမ်းစပ်နေရာလေးမှာ ခေါင်းချမယ်လို့ စိတ်ကူးပြီးတော့ မရွှေ့ပြောင်းဘဲ တင်းခံနေကြပါတယ်။ ဒီဇနီးမောင်နှံကို ထောက်ခံပြီး အားပေးဖို့ ဒေသခံ အန်ဂျီအိုတွေ ရောက်လာပြီး လူထုအစုအဝေးအဖြစ် စုစည်းကြတယ်။ ပုစွန်ကန်ပိုင်ရှင်ဟာ ဒီအဖွဲ့တွေကို ဖြိုခွင်းဖို့ ယူနီဖောင်းဝတ်ထားတဲ့ စစ်သားအချို့ နဲ့ လူမိုက်တွေကို ငှားရမ်းထားတယ်။ နာရီအတန်ကြာပြီးတဲ့ နောက်မှာတော့ အဖိုးအဘွားမောင်နှံဟာ သူတို့ကြောင့် လူတွေ အဓိကရုဏ်းဖြစ်မှာ မလိုလားတဲ့ အတွက် သူတို့ နှစ်ပေါင်းလေးဆယ်ကျော်ကြာ နေထိုင်လာတဲ့၊ သူတို့ ခေါင်းချဖို့  စိတ်ကူးထားခဲ့တဲ့ ဒီနေရာလေးကနေ တိတ်တဆိတ် ထွက်ခွာသွားပါတော့တယ်။

ဖွံ့ဖြိုးမှုဆိုတဲ့ တခြားဖွင့်ဆိုချက်တွေကတော့ ပုံစံအဟောင်းတွေကို ချန်ထားခဲ့ပြီး ပုံစံအသစ် နဲ့ တွေးခေါ်ပြုမူလုပ်ကိုင်ပြီး ပြုပြင်ပြောင်းလဲခြင်းပဲ ဖြစ်ပါတယ်။ ဖွံ့ဖြိုးမှုရဲ့ အကျိုးဆက်တွေထဲမှာ သူတို့ ပတ်ဝန်းကျင်နဲ့ နှစ်ပေါင်းများစွာ သဟဇာတ ဖြစ်ခဲ့ကြတဲ့ သူတွေဟာ ပုံစံအသစ် ဖြစ်လာတဲ့ သူတို့ ၀န်းကျင်နဲ့ အံဝင်ခွင်ကျမှု မရှိတော့တာပဲ ဖြစ်ပါတယ်။ ဟွန်ဒူးရပ် ဖြစ်စဉ်မှာဆို အဖိုးအဘွား မောင်နှံ နဲ့ တခြားသူတွေဟာအသေးစားငါးဖမ်းလုပ်ငန်း နဲ့ အသက်မွေးလုပ်ကိုင်ကြတယ်။ ဒါပေမယ့် ကမ္ဘာ့ဘဏ် နဲ့ အမေရိကန် နိုင်ငံတကာဖွံ့ဖြိုးမှုအေဂျင်စီ ရဲ့ အကူအညီနဲ့လုပ်တဲ့ အစိုးရ ဖွံ့ဖြိုးမှု အစီအစဉ် ရောက်လာတဲ့ အခါမှာတော့ သူတို့တွေဟာ အကျဉ်ခံရတယ်။ အစိုးရရဲ့ အစီအစဉ်ကတော့ နိုင်ငံစီပွားရေး အကျပ်အတည်းကို နိုင်ငံခြားဝင်ငွေရအောင်လုပ်ပြီး ဖြေရှင်းမယ်။ ဒီလို ဖြေရှင်းတဲ့ အခါမှာ လုပ်ရိုးလုပ်စဉ် လုပ်ငန်းတွေက မဟုတ်ဘဲ တခြား ထွက်ကုန်အသစ်တွေကို နိုင်ငံခြားကို တင်ပို့မယ်။ ဒီလို လုပ်ဆောင်စီစဉ်ရာမှာ ပုစွန်မွေးမြူရေးလည်း ပါဝင်ပါတယ်။  ပုစွန်မွေးမြူရေး လုပ်ငန်းအတွက် ကျယ်ပြောလှတဲ့ ပင်လယ်ကမ်းခြေနေရာတွေကို လက်တစ်စုတ်စာ လူထုလက်ထဲကို ထည့်ပြီး နှစ်ပေါင်းကြာရှည်နေထိုင်မှီခိုနေတဲ့ ဒေသခံတွေကို အတင်းအကျပ်ဖယ်ခိုင်းပါတယ်။ ပင်လယ်ဝက ရေထု အရည်အသွေးတွေ ကျလာစေတယ်။ နောက် ဟတ်တာထောင်ပေါင်းများစွာသော ဒီရေတောတွေဟာ ဖျက်စီးခံရတော့ပါတယ်။

Source: Murphy, Alexander B. (2005) Human Geography in the Making (P: 80-81).  Department of Geography, University of Oregon. USA.

အမှိုက် (၃) အမှိုက်တောမှာ နေထိုင်ခြင်း

ကမ္ဘာပေါ်မှာ  အမှိုက်စီးဆင်းရာလမ်းကြောင်းဟာ ဝေးကွာ ခြားနားလွန်းတဲ့ နေရာတွေထိအောင်ရောက်ရှိစေပြီး  ဒီကုန်သွယ်မှုကြောင့် အမှိုက်တွေ နောက်ဆုံးစုပုံတဲ့နေရာတွေက လူတွေကို အဓိက ထိခိုက်မှုဖြစ်စေပါတယ်။ အမှိုက်ကုန်သွယ်မှုက တကယ့်ကို နိုင်ငံတကာ ကိစ္စဖြစ်ပေမယ့် ထိခိုက်ခံရတာကတော့ ဒေသခံတွေပါ။ အဆိပ်သင့် ညစ်ညမ်းမှုတွေဟာ ရေလွှာထုတွေကို စိမ့်ဝင်တယ်။ အမှိုက်ပုံကထွက်လာတဲ့ ရေတွေဟာ အနီးဝန်းကျင် မြေသားတွေထဲကို စိမ့်ဝင်တယ်။ ပိုးဟတ်တွေ၊ ကြွက်တွေဟာ ဒီအမှိုက်ပုံဝန်းကျင်မှာ စုရုံးရောက်ရှိလာကြပါတယ်။ ဒီပြဿနာတွေက တဆင့် ပိုမိုကျယ်ပြန့်တဲ့ ပတ်ဝန်းကျင်ထိခိုက်မှုတွေဖြစ်စေပါတယ်။ အမှိုက်တွေကို မီးရှို့ ဖျက်စီးတဲ့ အခါမှာလည်း ပတ်ဝန်းကျင် လေထု အရည်အသွေးကိုသာ ထိခိုက်စေတာမဟုတ်ဘဲ ကမ္ဘာကြီး ပူနွေးလာမှုကိုလည်း ဖြစ်စေပါတယ်။ ဒါပေမယ့် ဘယ်လိုဘယ်အမှိုက်တွေကိုပဲ မီးရှို့ပါစေ၊ မီးရှို့တဲ့ အကျိုးဆက်ကြောင့် အဓိက ခံစားရတာကတော့ ဒေသခံလူထုပါပဲ။

 အမှိုက်တွေကို စုပုံရောက်ရှိစေတဲ့ မူလအကြောင်းက နည်းပညာပိုင်းဆိုင်ရာနဲ့ ဆိုင်တယ်ဆိုပေမယ့် အဓိက အကြောင်းကတော့ နိုင်ငံရေးနဲ့ ဆက်နွယ်နေပါတယ်။ အမှိုက်တွေကို စုပုံရောက်ရှိစေတဲ့ အချက်တစ်ခုကတော့  ဆင်းရဲတဲ့ လူနည်းစုတွေ နေထိုင်တဲ့ နေရာတွေမှာ မြေယာငှားရမ်းခ သက်သာတာကလည်း အကြောင်းတစ်ချက်ပါပဲ။ ငါ့ဆီက လွတ်ရင် ပြီးရော (NIMBY -not in my back yard) ဆိုတဲ့ အယူအဆကလည်း  ဒီလိုဆင်းရဲတဲ့ အသိုင်းအ၀ိုင်းတွေအတွက် ပိုမိုခက်ခဲကြမ်းတမ်းတဲ့ ပတ်ဝန်းကျင်ကို ဖြစ်စေပါတယ်။

သူတို့ရဲ့ ၀ိုင်းပယ်အကျဉ်ခံ အခြေအနေကတော့ သူတို့ ပတ်ဝန်းကျင်မှာ ဒီလို အမှိုက်ဖျက်စီးစက်ရုံတွေ တည်ဆောက်တာကို ကာကွယ်တားဆီးဖို့ အတွက် နိုင်ငံရေး သြဇာမရှိတာပဲ ဖြစ်ပါတယ်။ တချို့ပြောတာကတော့ ဒါလို ဖြစ်ရတာဟာ  လူမျိုးရေးခွဲခြားမှု ပေါ်တင်လုပ်တာပဲလို့လည်း ပြောပါတယ်။ အမှန်ကတော့ ဒီကိစ္စတစ်ခုချင်းစီမှာ နေရာဒေသအလိုက် အကြောင်းခံ အချက်အလက်တွေရှိကြပါတယ်။  ဒါပေမယ့် တချို့ဝေဖန်ဖို့ ကျန်နေခဲ့တဲ့ အချက်တွေကတော့ မညီမျှတဲ့ ဖွံ့ဖြိုးမှု၊ ဆင်းရဲတဲ့  လူနည်းစု အသိုင်းအ၀ိုင်းတွေကို နှိမ့်ချမှု နဲ့ အမှိုက်ကိုယ်တိုင်ကကို ပြဿနာဖြစ်နေခြင်း စတဲ့ အချက်တွေပဲ ဖြစ်ပါတယ်။

 အမှိုက် စွန့်ပစ်မှု အနည်းဆုံး သူတွေကတော့ အမှိုက်တောနားမှာ နေထိုင်ကြရပြီး သူတို့ပတ်ဝန်းကျင်က အမှိုက်ပုံကတော့ အများဆုံးစားသုံးနိုင်မှု လူတန်းစားအလွှာတွေဆီက အမှိုက်တွေကသာ အဓိက  ဖြစ်ပါတယ်။ အင်ဒိုနီးရှား၊ ဂွာတာမာလာ နဲ့ မက္ကဆီကို စတဲ့  နိုင်ငံမျိုးတွေမှာဆို ဒီလို အမှိုက်တောမှာ နေထိုင်ကြရတဲ့ သူတွေကတော့ သန်းနဲ့ ချီရှိနေကြပါတယ်။ ဒီလို အခြေအနေမျိုးမှာ နေထိုင်ကြသူတွေမှာလည်း သူတို့ရဲ့ လူမှု ဖွဲ့တည်မှုတွေ ၊ သူတို့ရဲ့ အသက်မွေးဝမ်းကြောင်းအတွက် ထောက်ပံ့ပေးနေတဲ့ ရပ်ရွာဒေသ အဖွဲ့အစည်းတွေ ရှိနေကြပါတယ်။ ကိစ္စတော်တော်များများမှာ ဒီအမှိုက်တောတွေက သူတို့အတွက် နေထိုင်စရာ ပစ္စည်းတွေ ၊ စားဖို့သောက်ဖို့ နဲ့ ပြန်လည် သန့်စင်ခြင်းကနေ ၀င်ငွေတွေ ရရှိစေပါတယ်။

ဒီလို အမှိုက်တောမှာ တချို့လူတွေဟာ အတင်းအကျပ်နေထိုင်ကြရပါတယ်။ တခြားတစ်ဘက်ကို ကြည့်လျင်လည်း ခေတ်မီတဲ့ မြို့ပြနေထိုင်သူတွေဟာ ကောင်းမွန်တဲ့ ရေပိုက်စနစ်ကို ရရှိကြပြီး သူတို့ ပတ်ဝန်းကျင်မှာ အမှိုက်ရှိနေတယ်ဆိုပေမယ့် အင်မတန်နည်းပါးပါတယ်။ သူတို့ ပတ်ဝန်းကျင်ဟာ သန့်သန့်ရှင်းရှင်းရှိနေကြပါတယ်။ ဒီလိုနေရာမျိုးမှာ သေသေချာချာလှည်းကျင်းသိမ်းဆည်းထားတော့ အမှိုက်ကို မမြင်ရသလို ဖြစ်နေပါတယ်။ သူတို့ပတ်ဝန်းကျင်မှာ အမှိုက်ရဲ့ဆိုးကျိုးကိုလည်း မခံစားရတော့ဘူးပေါ့။