ဟိုတနေ့က ရာသီဥတုသာယာတယ်

ဟိုတနေ့က ရာသီဥတုသာယာတယ်

ဟုတ်တယ် သာယာခဲ့တယ်

ငါဟာ ကျောပိုးအိပ်ကလေးကို လွယ်

ကင်မရာလေးချိတ်ပြီး

ငါ့စက်ဘီးကလေးနဲ့ ထွက်ခဲ့တယ်။

အဲ့ဒီ့မှာ တောပန်းကလေးတွေရှိတယ်

လေ့ကျင့်ခန်းလုပ်နေတဲ့ သူရှိတယ်

ယောဂထိုင်နေတဲ့ သူရှိတယ်

ရေစီးသံကိုနားထောင်ရင်း

အပန်းဖြေနေတဲ့ မိသားစုတွေရှိတယ်။

တချို့အတွက်တော့

ဒီနေ့ဟာ

စိတ်လွတ်လပ်တဲ့နေ့

သက်တောင့်သက်သာရှိတဲ့နေ့

မိသားစုတွေ အတူတူရှိနေကြတဲ့နေ့။

ဒီနေ့ဟာ

ဈေးသည်တွေ အတွက်တော့

ဈေးရောင်းကောင်းတဲ့နေ့

ပရိတ်ကြိုးဝေတဲ့ ဘုန်းကြီးအတွက်တော့

ဆုတောင်းစကားများများပြောရတဲ့နေ့

အလှူခံပုံးထဲ

ငွေတွေများများပြည့်တဲ့နေ့ပေါ။

ဘုရားပေါ်မှာ
ခေါင်းလောင်းသံတွေညံနေတဲ့နေ့

ကားသမားတွေအတွက်

ခရီးသည်တွေများတဲ့နေ့

စားသောက်ဆိုင်စားပွဲတွေမှာ လူတွေပြည့်တဲ့နေ့။

ဟုတ်တယ် အဲ့ဒီနေ့က ရာသီဥတုသာယာခဲ့တယ်။

(ငါ့အတွက်တော့ မဟုတ်ခဲ့ဘူး  …………………….)

Google Maps

Win Sein Taw Ya
16°19'20.36"N 97°43'28.49"E

                                        <...........................................>

Bawdi Tahtaung Pagodas
22° 4'47.35"N 95°17'12.13"E  

<...................................................>

Lapadaung Copper Project
22° 4'47.35"N 95°17'12.13"E 

<.........................................................>

Kyait Hmaw Won
16°37'45.38"N 96°19'28.02"E 

<...................................................>

Shwe Sat Taw
20° 6'4.55"N 94°31'37.37"E 

<------------------------------------------------------------------------------>

Phaung Daw Oo
20°28'26.26"N 96°53'23.96"E — at Inle Lake, Myanmar.

<...............................................................>

University of Forestry, Yezin

<......................................................................................>

My Home

<........................................................................................>

  

Putu's Home

ထားဝယ်သို့ ဆက်စပ်သမျှ (၂)

  ၀န်ကြီးချုပ် ယင်လတ်ရှင်နာဝပ်ထရာမတိုင်မီ ၀န်ကြီးချုပ်ဖြစ်ခဲ့တဲ့ အဘီဆစ်ဝိဇ္ဇာချီဝက ထိုင်းအရှေ့ပိုင်း ကမ်းခြေဒေသက မတ်တာဖွတ် စက်မှုဇုံမှာ ပတ်ဝန်းကျင် နဲ့  လူထုကျန်းမာရေး ဆိုင်ရာ လှုပ်ရှားတက်ကြွသူတွေရဲ့ တုန့်ပြန်မှုကြောင့် “ထိုင်းစက်မှုလုပ်ငန်းတွေဟာ နိုင်ငံတွင်းမှာ အခြေစိုက်တည်ရှိဖို့ အဆင်မပြေတော့တာကြောင့်  မြန်မာဘက်မှာ ရွှေ့ပြောင်းလုပ်ကိုင်ရပါမယ်” လို့ ၂၀၁၀ ခုနှစ်က ရုပ်မြင်သံကြားမှာ ၀န်ခံပြောကြားခဲ့ပါတယ်။

(http://www.bangkokpost.com/opinion/opinion/316079/no-taxpayer-money-for-private-gains-in-dawei)

                               -----------------------------------------------------------

Bangkok Post - 5/10/2012 at 09:21 AM

        ဒေါ်လာ ဘီလျံ(၅၀) တန်ဖိုးရှိတဲ့ ထားဝယ်စီမံကိန်းဟာ နှစ်နိုင်ငံ ပူးပေါင်းလုပ်ကိုင်မှုကို တိုးတက်စေမှာဖြစ်ပြီး နောက်သုံးနှစ်အတွင်း ထိုင်းလုပ်ငန်းကြီးတွေ မြန်မာမှာ ၀င်ရောက်လုပ်ကိုင်နိုင်ဖို့ အရေးကြီးတဲ့ အခန်း ကဏ္ဍကနေရှိနေပါတယ်လို့ မြန်မာနိုင်ငံဆိုင်ရာ ထိုင်းသံအမတ်ကြီးက ပြောကြားလိုက်ပါတယ်။

Pisanu Suvanajata, Thai ambassador to Myanmar (Photo- Bangkok Post)

          ရေနက်ဆိပ်ကမ်း နဲ့ အထူးစီးပွားရေးဇုံ တည်ထောင်ဖို့ နှစ်နိုင်ငံစလုံးက သဘောတူညီထားပါတယ်လို့ ပီဆံနု ဆုဗန်နဂျတ (Pisanu Suvanajata) က ထိုင်းနိုင်ငံကို အပြန်မှာ ပြောဆိုခဲ့ခြင်း ဖြစ်ပါတယ်။

          ဒီစီမံကိန်းဟာ ၂၀၁၅ အထွေထွေရွေးကောက်ပွဲရှေ့မတိုင်မီ တိုင်းပြည်ကို ရှေ့ရောက်အောင် လုပ်ဆောင်ဖို့ မြန်မာ ခေါင်းဆောင်တွေရဲ့ အရေးကြီးတဲ့ ကတိက၀တ်တစ်ခုလည်း ဖြစ်ပါတယ်။

        “ထားဝယ်ဟာ ထိုင်းနဲ့ မြန်မာအတွက်သာမကပါဘူး။ အာဆီယံအတွက်လည်း အလွန်အရေးကြီးပါတယ်။ ဒီစီမံကိန်း ပြီးမြောက်သွားလျင် နှစ်နိုင်ငံလုံးက ကုန်းမြေပေါင်းကူး(လမ်းကြောင်းကျုံ့)သွားမယ်။ ဥရောပကို ပို့မယ့် ထိုင်းကုန်ပစ္စည်းတင်သင်္ဘောတွေဟာ သုံးရက်အချိန်ကုန်သက်သာမယ်။ထောက်ပံ့ရေးလမ်းကြောင်းအနေနဲ့ ပိုမိုယှဉ်ပြိုင်နိုင်လာမယ်” လို့ သူကဆက်ပြောပါတယ်။

       ဒီစီမံကိန်းဟာ သေချာပေါက်ကို အထောင်အထည်ဖော်မှာပါလို့ ကျွန်တော် အာမခံရဲတယ်။ ဒါပေမယ့် သူ့ရဲ့ အရွယ်အစားအရ စီမံကိန်း ပြည့်စုံပြီးမြောက်ဖို့ အချိန်ကတော့ ယူရမယ်လို့ သူက ပြောပါတယ်။

       ဈေးကွက်တန်ဖိုးအရ ထိုင်းရဲ့ အကြီးဆုံး ကန်ထရိုက်ဖြစ်တဲ့ အီတာလျံ-ထိုင်း ကုမ္ပဏီဟာ (၂၀၅) စတုရန်းကီလိုမီတာကျယ်ဝန်းတဲ့ စီမံကိန်း ဖွံ့ဖြိုးတိုးတက်အောင် အကောင်အထည်ဖော်ဖို့ အခွင့်အရေးကို မြန်မာ့ဆိပ်ကမ်းအာဏာပိုင်နဲ့ ၂၀၁၀ မှာ လုပ်ထားတဲ့ သဘောတူညီချက်အရ ရထားပါတယ်။

       ပထမအဆင့်မှာ အခြေခံ အဆောက်အဦတွေ ဖြစ်တဲ့ လမ်းနဲ့ ဆိပ်ကမ်းတွေ ဖွံ့ဖြိုးအောင်လုပ်ဖို့ ဖြစ်ပြီး အမေရိကန်ဒေါ်လာ(၈.၅) ဘီလျံခန့် မှာလိုအပ်မှာဖြစ်ပါတယ်။ နောက်အဆင့်တွေကတော့ ပေါင်းစပ်သံမဏိ စက်ရုံ၊ ရေနံချက်စက်ရုံစတဲ့ စက်မှုဆိုင်ရာ ပစ္စည်းတွေ တပ်ဆင်ဖို့ပါဝင်ပါတယ်။

       ထိုင်းနိုင်ငံ ၀န်ကြီးချုပ် ယင်လတ် နဲ့ သူ့ရဲ့ ဆွေးနွေးဘက်ဖြစ်တဲ့ မြန်မာ သမ္မတ ဦးသိန်းစိန်တို့ဟာ ပြီးခဲ့တဲ့ လက နူးယောက်မှာ တွေ့ဆုံပြီး စီမံကိန်းကို နှစ်နှစ်နိုင်ငံ ပူးပေါင်းလုပ်ဆောင်ဖို့နဲ့ အဆင့်သုံးဆင့် ပါဝင်တဲ့ ဆောင်ရွက်ချက်တွေ အကောင်အထည်ဖော်လုပ်ဆောင်ဖို့ နားလည်မှုစာချွန်လွှာကို လက်မှတ်ရေးထိုးခဲ့ကြပါတယ်။

       ၀န်ကြီးချုပ် ယင်လတ်ဟာ နောက်လမှာ ထားဝယ်ကို သွားရောက်လည်ပတ်ဖို့ အစီအစဉ်ဆွဲထားပါတယ်။ နောက်ပြီး နှစ်နိုင်ငံခေါင်းဆောင်တွေဟာ လာအိုနိုင်ငံ ဗီယန်ကျန်းမှာ မှာ ကျင်းပမယ့် အာရှ-ဥရောပ ဆွေးနွေးပွဲ နဲ့ ကမ္ဘောဒီးယားမှာ ကျင်းပမယ့် အာဆီယံထိပ်သီး အစည်းအဝေးစတဲ့ တွေ့ဆုံပွဲတွေမှာ ထပ်လောင်းတွေ့ဆုံဖို့ရှိပြီး နှစ်ဘက်စလုံးက ရှင်းလင်းတဲ့ ဖွံ့ဖြိုးရေးအစီအစဉ်တွေကို ကြေငြာကြဖို့ ရှိပါတယ်လို့ သူက ပြောပါတယ်။

       ယင်လတ်ဦးဆောင်တဲ့ အစိုးရဟာ ထိုင်းပြည်သူတွေဆီက ရတဲ့ အခွန်ငွေတွေကို အီတာလျံ- ထိုင်းကုမ္ပဏီကို ကူညီဖို့ အသုံးချနေတယ်ဆိုတဲ့ ဝေဖန်မှုတွေကိုတော့ သူက ပယ်ချပါတယ်။

        “ အစိုးရက ထိုင်းနိုင်ငံဘက်က လမ်းဖောက်ခြင်းစတဲ့ အခြေခံ အဆောက်အဦတွေအတွက်ပဲ ရင်းနှီးမြှုပ်နှံမှာပါ။ မြန်မာဘက်က ငွေကြေးအကူအညီလိုအပ်ခဲ့လျင်လည်း အတိုးနှုန်းသက်သာတဲ့ ချေးငွေ ဒါမှမဟုတ် ငွေကြေးအကူအညီအချို့တ၀က်ပဲ ပေးမှာဖြစ်ပါတယ်”လို့ သံအမတ်ကြီးက ဆိုပါတယ်။

       မြန်မာဟာ (၄၄) နှစ်တာ အတွင်း ပထမဆုံး အကြိမ် အဖြစ် (၂၇) ကြိမ်မြောက် အရှေ့တောင်အာရှ အားကစားပွဲကို လက်ခံကျင်းပဖို့ရှိပါတယ်။ ၂၀၁၄ မှာလည်း အသင်းဝင်နိုင်ငံတွေ နဲ့ ဆွေးနွေးဘက် နိုင်ငံ(၁၆) နိုင်ငံ တက်ရောက်ဖို့ရှိတဲ့ အာဆီယံအစည်းအဝေးတွေမှာလည်း ဥက္ကဌအဖြစ်လုပ်ဆောင်မှာ ဖြစ်ပါတယ်လို့ ပီဆံနုက ပြောပါတယ်။

       ၂၀၁၅ အထွေထွေ ရွေးကောက်ပွဲပြီးရင် ဘယ်သူ အစိုးရ ဖြစ်လာမယ်ဆိုတာ ဘယ်သူကမှ မသိနိုင်ပါဘူး။ ဒါပေမယ့် အဲ့အချိန်မှာတော့ ထိုင်း နဲ့ မြန်မာ နှစ်နိုင်ငံဆက်ဆံမှုက တိုးတက်လာပြီး ထိုင်း နိုင်ငံအနေနဲ့ မြန်မာက ဖွံ့ဖြိုးမှုတွေမှာအရေးပါတဲ့ ကဏ္ဍက ရှိနေမှာ ဖြစ်ပါတယ်လို့ သူက ဆက်ပြောပါတယ်။

        သူက လက်ရှိအချိန်ဟာ ထိုင်းကုမ္ပဏီတွေ အနေနဲ့ မြန်မာမှာ အခြေချနိုင်ဖို့ အချိန်ကိုက် အခါကောင်းပါပဲလို့ ဆိုပါတယ်။

        ကျနော်တို့လူတွေ မစောင့်နိုင်မှာကိုပဲ ကျနော်ကတော့ စိုးရိမ်မိတယ်။ နောက်သုံးနှစ်အတွင်းမှာ ကျနော်တို့ မြန်မာမှာ ခြေမကုပ်နိုင်ဘူးဆိုရင် ခက်ခဲတဲ့ ပြိုင်ဆိုင်မှုတွေ ကြုံတွေ့ရနိုင်ပါတယ်။ အဲ့လိုမှ မလုပ်ရင်တော့ စိတ်ချရတဲ့ ဒေသခံ လုပ်ငန်းရှင်တွေနဲ့ ပူးပေါင်းလုပ်ဆောင်ဖို့ပဲ ရှိပါတယ်။

        ရန်ကုန်မှာ ရှိတဲ့ ထိုင်းသံရုံးနဲ့ နူးယောက်အခြေစိုက် ဒေးကာနက်ဂျီ တို့ဟာ မကြာခင်ကာလကပဲ မြန်မာအစိုးရအဆင့်မြင့်အရာရှိတွေကို သင်တန်းတွေပေးဖို့ သဘောတူထားကြပါတယ်။ အယောက် (၃၀) ပါတဲ့ အဖွဲ့(၂) ဖွဲ့ဟာ ဒီသင်တန်းတွေမှာ တက်ရောက်ခဲ့ကြပါတယ်။

       မစ္စတာ ပီဆံနုက “ဒီသင်တန်းတွေက အိမ်နီးချင်း မြန်မာမှာ စွမ်းဆောင်ရည်တွေတိုးတက်အောင်လုပ်ပေးဖို့ ထိုင်းရဲ့ မဟာဗျူဟာကို အထောက်အပံ့ဖြစ်စေပါတယ်။ သင်တန်းတွေကိုလည်း အနာဂတ်မှာ ဆက်လက်ပြီး လုပ်ဆောင်ပေးဖို့ရှိပါတယ်။”

(http://www.bangkokpost.com/business/economics/317013/act-now-says-thai-ambassador)

                ---------------------------------------------------------------------------------------------------

THE NATION October 16, 2012 1:00 am
       မော်တော်ယာဉ်စက်မှုလုပ်ငန်းတွေမှာ မြင့်မားလာတဲ့ လိုအပ်ချက်တွေ ဖြည့်ဆည်းဖို့ ထိုင်းနိုင်ငံ Compact ကုမ္ပဏီ (Compact International (1994) Co) ဟာ ဘတ်သန်း (၁၀၀) ရင်းနှီးမြှုပ်နှံမယ့် ဘရိတ်လိုင်နာ (Brake-linning) စက်ရုံတစ်ခုကို မြန်မာနိုင်ငံ ထားဝယ်မှာ နှစ်နှစ်အတွင်းတည်ဆောက်ဖို့ စီစဉ်နေပါတယ်။

Photo- https://www.facebook.com/CompactBrake?fref=ts

        ပထမဆုံးပိုင်း အနေနဲ့ မြန်မာနဲ့ တခြားဈေးကွက်တွေအတွက် ဆိုင်ကယ်နဲ့ ကုန်တင်ကား ဘရိတ်လိုင်နာတွေကို ထုတ်လုပ်မှာ ဖြစ်ပါတယ်။ မြန်မာဟာ ဘင်္ဂလားဒေ့ရှ်၊ သီရိလင်္ကာ နဲ့ ပါကစ္စတန် နိုင်ငံတွေကို သွားဖို့ ဂိတ်ဝ တစ်ခုလည်း ဖြစ်လို့ပါ လို့ ကုမ္ပဏီဒါရိုက်တာက ပြောပါတယ်။

        ဒီကုမ္ပဏီဟာ ၂၀၁၅ မှာ ဖြစ်ပေါ်လာမယ့် အာဆီယံဘုံဈေးကွက်ကိုလည်း မျှော်မှန်းထားပြီး ပတ်ပတ်လည် ဒေသတွေကို ဈေးကွက် ချဲ့ထွင်ဖို့ မဟာဗျူဟာလည်း ချမှတ်ထားပါတယ်။

       ကျနော်တို့ဟာ နောင် (၁၀) ဆို အာဆီယံဈေးကွက်မှာ ဦးဆောင်ဖို့ ရည်မှန်းထားပါတယ်။ ရှေ့လာမယ့် နှစ်ဆို ကျနော်တို့က မြန်မာနိုင်ငံ ထားဝယ်မှာ စက်ရုံထောင်ပြီး အင်ဒိုနီးရှားက ကုမ္ပဏီတွေနဲ့ ပစ္စည်းဖြန့်ဝေဖို့ ဖက်စပ်လုပ်ဆောင်သွားမှာပါ။ အင်ဒိုမှာဆိုရင် ကျနော်တို့ကို အားပေးမယ့် ကုမ္ပဏီပေါင်း (၅) သောင်းကျော်ရှိပါတယ်။

         ကုမ္ပဏီက မလေးရှားဈေးကွက်ကိုလည့်း  ကျနော်တို့ ဘရိတ်လိုင်နာ တံဆိပ်အမျိုးမျိုးနဲ့ ပိုမိုထိုးဖောက်နိုင်ဖို လုပ်ဆောင်သွားမှာပါဖြစ်ပါတယ်။ အဲ့ဒီ့မှာ ကျနော်တို့ ပစ္စည်းတွေကို မာကတ်တင်းလုပ်နေတာ တစ်နှစ်ရှိပါပြီ။

        ရုရှ နဲ့ ဘရာဇီး နိုင်ငံတွေကိုလည်း ကုမ္ပဏီနဲ့ နိုင်ငံရပ်ခြားဈေးကွက် နိုင်ငံ (၃၀) ထဲကို ထပ်ပေါင်းပြီး နောက် (၃) နှစ်ကနေ (၅) နှစ်အတွင်းမှာ ဈေးကွက်ချဲ့ထွင်မှာပါ။ အာဆီယံကိုတော့ ကုမ္ပဏီ ဈေးကွက်ရဲ့ (၂၀) ရာခိုင်းနှုန်းထားပါတယ်။ ထိုင်းမှာတော့ နောက် (၅) နှစ်အတွင်း ဈေးကွက်ရဲ့ (၁၅) ရာခိုင်နှုန်းမျှော်မှန်းထားပါတယ်။

        Compact က ဘတ်ချန်ဘူရီမှာ ကားအပိုပစ္စည်းတွေအတွက် ဘတ်သန်း (၃၀၀) ထပ်ပေါင်းရင်းနှီးမြှုပ်နှံထားပါတယ်။ ဘတ်ချန်ဘူရီ  နဲ့ စမုတ်စခုံမှာ ရှိတဲ့ စက်ရုံနှစ်ရုံကနေ တစ်လကို ဘရိတ်လိုင်နာအစုံပေါင်း (၁) သိန်းခွဲ ထုတ်လုပ်နေပါတယ်။


         ဒီကုမ္ပဏီဟာ ပထမ (၉) လအတွင်းမှာ ဘတ်သန်းပေါင်း (၇၀၀) အခွန်ဆောင်ခဲ့ပါတယ်။ ထိုင်းရဲ့ ဈေးကွက်ဝေစုမှာ လက်ရှိ (၃၂) ရာခိုင်နှုန်းရရှိနေပါတယ်။

        ကုမ္ပဏီအနေနဲ့ ဒီနှစ်မှာ ဒီအစားထိုးဈေးကွက်ကနေ အခွန် (၁၀)  ကနေ (၂၀) ရာခိုင်းနှုန်းတိုးပြီး အခွန် ဘတ် သန်း (၈၀၀) ဆောင်နိုင်လိမ့်မယ်လို့ မျှော်မှန်းပါတယ်။

        ကုမ္ပဏီအနေနဲ့ ဈေးကွက်အမျိုးအစား (၂) မျိုးကို အဓိကထားပါတယ်။ တစ်ခုက ကားထုတ်လုပ်တဲ့ ကုမ္ပဏီတွေကို ဘရိတ်လိုင်နာတပ်ဆင်ဖို့ ရောင်းချပြီး နောက်ဈေးကွက် တစ်မျိုးကတော့ ကားပြုပြင်တဲ့ စင်တာတွေမှာ ပစ္စည်းလဲလည်တပ်ဆင်ဖို့ ရောင်းချမှာပဲ ဖြစ်ပါတယ်။

(http://www.nationmultimedia.com/business/Compact-plans-Bt100m-brake-lining-plant-in-Dawei-30192381.html)

          ( အခွန်တွေရဲ့ လုပ်ထုံးလုပ်နည်းတွေကို မသိပါဘူး။ ဒါပေမယ့် ဒီသတင်းအရ သူတို့ နိုင်ငံမှာ တစ်နှစ်ကို အခွန်ငွေက ဘတ်သန်း (၈၀၀) လောက်တောင် ဆောင်နိုင်တယ်ဆိုတော့ ကျနော်တို့ ဆီကို လာပြီး ရင်းနှီးမြှုပ်နှံလျင်လည်း  ကျနော်တို့ နိုင်ငံအနေနဲ့ ထိုက်သင့်တဲ့ အခွန်တွေရမယ်လို့  မျှော်လင့်မိပါတယ်။)

ထားဝယ်သို့ ဆက်စပ်သမျှ

အပိုင်း (၁)


THE NATION October 13, 2012 1:00 am

       ဂျပန်လုပ်ငန်းရှင်တွေဟာ ထွန်းသစ်စ မြန်မာနိုင်ငံမှာ ရင်းနှီးမြှုပ်နှံတွေ တိုးချဲ့လုပ်ဆောင်ဖို့ရာ ထိုင်းနိုင်ငံကို ၀င်ပေါက်တစ်ခုအနေနဲ့ မျှော်မှန်းကြပြီး ထိုင်းနိုင်ငံရဲ့ထားဝယ်စီမံကိန်းနဲ့ နှစ်နိုင်ငံနယ်စပ်လမ်းပန်းဆက်သွယ်ရေး တိုးတက်အောင်လုပ်ဆောင်မှုတွေအတွက် ချီးကျူးလိုက်ပါတယ်။

Photo- www.daweidevelopment.com

        ဂျပန်စီးပွားရေးလုပ်ငန်းရှင်တွေက မြန်မာမှာ ရင်းနှီးမြှုပ်နှံမှုတွေကို သွက်သွက်လက်လက်လုပ်ဆောင်နိုင်ဖို့အတွက် ထိုင်းလုပ်ငန်းရှင်တွေနဲု့ပူးပေါင်းဆောင်ရွက်ဖို့ အဆင်သင့်ဖြစ်နေကြပြီလို့ မနေ့တုန်းက ထိုင်းကုန်သွယ်ရေးဝန်ကြီးနဲ့ တွေ့ဆုံပြီးတဲ့နောက် ကန်ဆိုင်းစီးပွားရေးအဖွဲ့ချုပ်ရဲ့ နိုင်ငံတကာကော်မတီ ဒု-ဥက္ကဌ ဖြစ်တဲ့ မက်ဆုရှီတာ (Masayuki Matsushita) က ပြောကြားခဲ့ပါတယ်။

       ထိုင်းနိုင်ငံက အနီးကပ်ပါဝင်ဆောင်ရွက်နေတဲ့ နယ်စပ်အနီးမှာ ရှိတဲ့ ထားဝယ်စီမံကိန်းအပါအ၀င် မကြာမီကာလတွေမှာ ဂျပန်လုပ်ငန်းရှင်တွေ မြန်မာမှာ ရင်းနှီးမြှုပ်နှံဖို့အတွက် ထိုင်းဟာ အားပေးအားမြောက်ပြုနေပါတယ်။

       မြန်မာဟာ အခြေခံအဆောက်အဦတွေ လျင်လျင်မြန်မြန်တိုးတက်အောင် လုပ်ဆောင်ဖို့ လိုအပ်နေတာကြောင့် ရင်းနှီးမြှုပ်နှံမယ့် အစီအစဉ်တွေက ခုထိတော့ ရှင်းရှင်းလင်းလင်းမရှိသေးပါဘူး။ ဒါပေမယ့် မြန်မာဟာ ဂျပန်စီးပွားရေးသမားတွေ အနာဂတ်ရင်းနှီးမြှုပ်နှံမှုတွေ ပြုလုပ်ဖို့ စိတ်ဝင်စားစရာ အကောင်းဆုံး နိုင်ငံတစ်ခုပါပဲ လို့ မက်ဆုရှီတာက ပြောပါတယ်။

       ဒီစီးပွားရေးအဖွဲ့ကိုယ်စားလှယ်တွေဟာ ဒီအပတ်ထဲမှာပဲ စီးပွားရေး အခွင့်အလမ်းတွေ ရှာဖွေဖို့ ရန်ကုန်နဲ့ နေပြည်တော်ကို ရောက်ခဲ့ပါသေးတယ်။ သူတို့အဖွဲ့ဟာ ဂျပန်မှာတော့ အင်အားအကြီးဆုံးလုပ်ငန်းရှင်တွေဖြစ်ပါတယ်။

       မြန်မာမှာ စီးပွားရေးလုပ်ငန်းတွေ လုပ်ဆောင်ဖို့ အခွင့်အလမ်းတွေ အများကြီး မျှော်မှန်းထားပြီး အိမ်နီးချင်းဖြစ်တဲ့ ထိုင်းနိုင်ငံနဲ့လည်း နီးကပ်စွာပူးပေါင်းလုပ်ဆောင်သွားမှာ ဖြစ်ပါတယ်လို့လည်း မက်ဆုရှီတာက ပြောပါတယ်။

       စက်မှုလုပ်ငန်း နဲ့ ရင်းနှီးမြှုပ်နှံမှု အရွယ်အစားမျိုးစုံအတွက် အခွင့်အလမ်းတွေ ရှိနေပေမယ့် လက်ရှိ အဓိကစိတ်ဝင်စားစရာကောင်းတာကတော့ အခြေခံအဆောက်အဦဖွံ့ဖြိုးရေးမှာ ရင်းနှီးမြှုပ်နှံဖို့ ဖြစ်ပါတယ်။

        မက်ဆုရှီတာ ထပ်ပေါင်းပြောဆိုတာကတော့ ထိုင်းအစိုးရဟာ ပြီးခဲ့တဲ့ နှစ် ရေကြီးမှုဖြစ်ပြီးတဲ့ အခါမှာ စက်မှုလုပ်ငန်း ပြန်လည်ဖွံ့ဖြိုးဖို့ အတွက် တော်တော်ကြီးကို အားစိုက်ကြိုးပမ်းခဲ့တယ်။ ဒါ့ကြောင့် ဂျပန်လုပ်ငန်းရှင်တွေဟာ ထိုင်းမှာ ရင်းနှီးမြှုပ်နှံဖို့ အတွက် ယုံကြည်မှု ရှိနေဆဲပါလို့ ပြောဆိုခဲ့ပါတယ်။

       ထိုင်းနိုင်ငံ ကုန်သွယ်ရေးဌာနရဲ့ ညွှန်ချုပ်ပြောတာကတော့ ထိုင်းနဲ့ ဂျပန် နီးကပ်တဲ့ ရင်းနှီးဆက်သွယ်မှုရှိတာကြောင့် ဂျပန်ဟာ ထိုင်းနိုင်ငံကို မြန်မာမှာသာမက အာဆီယံမှာပါ ရင်းနှီးမြှုပ်နှံရာမှာ ၀င်ပေါက်အဖြစ်ရှုမြင်ပါတယ်လို့ ပြောဆိုခဲ့ပါတယ်။

Ref; The Nation

-----------------------------------------------------

The Nation September 8, 2012 1:00 am

       ကန်ချနပူရီမှာ ရှိတဲ့ ခရီးသွားလုပ်ငန်းတိုးတက်ရေးဆိုင်ရာအဖွဲ့အစည်းက မြန်မာဘက်မှာ အကောင်အထည်ဖော်နေတဲ့ ထားဝယ်မဟာစီမံကိန်းနဲ့ ဆက်စပ်နေတဲ့ ဒေသတစ်ခုအနေနဲ့ ခရီးသွားလုပ်ငန်းမှာ ပိုမိုငွေကြေးထည့် မြှုပ်နှံကြဖို့ နည်းလမ်းတွေ လုပ်ဆောင်နေကြပါပြီ။

Photo- www.daweidevelopment.com

        ဒေသခံ ခရီးသွားလုပ်ငန်းလုပ်ဆောင်သူ (၁၀၀) ကျော်ပါဝင်တဲ့ အဖွဲ့ဟာ ဒီအနောက်ပိုင်းဒေသ နယ်စပ်ဆက်စပ်မှုကနေ ခရီးသွားတွေကို ဖြတ်သွားဖြတ်လာ လုပ်ရုံတင်မကဘဲ ညအိပ်ညနေရပ်နားဖို့ ဆွဲဆောင်ပြီး အကျိုးအမြတ်ပိုမိုရရှိအောင်လုပ်ဖို့ စိတ်အားထက်သန်နေကြပါတယ်။

       ဒီဒေသဟာ ခရီးသွားဆိုင်ရာ အထောက်အထားလုပ်ဆောင်ရာမှာ နဲ့ ထားဝယ်ခရီးတွေ စီမံရာမှာ အဓိက ကျတဲ့ အခန်းကဏ္ဍကနေ ရှိနေဖို့ မျှော်လင့်နေတာပါ။

       ဒီခရီးသွားလုပ်ငန်းရှင်အဖွဲ့ရဲ့ ဥက္ကဌဖြစ်တဲ့ ဆုံဝပ်ကတော့ “ဒီလို လုပ်ဆောင်ဖို့ အချိန်အခါကောင်းပါပဲ။ ဘာဖြစ်လို့လဲ ဆိုတော့ ခုလက်ရှိအနေနဲ့ ထားဝယ်မှာဆိုရင် ခရီးသည်တွေ အတွက် အဓိကအခြေခံကျတဲ့  အခန်း နဲ့ အစားသောက်တွေဟာ ခရီးသွားလုပ်ငန်းလုပ်ဆောင်ဖို့အတွက် အဆင်မပြေနိုင်သေးပါဘူး။ ထားဝယ်ဘက်မှာ ဒီလို အခြေခံ အဆောက်အဦဖွံ့ဖြိုးဖို့ ဆိုရင် အနည်းဆုံး နောက် (၅) နှစ်တော့ အချိန်ယူရပါမယ်” လို့ ပြောပါတယ်။

       ထိုင်းခရီးသွားအာဏာပိုင်အဖွဲ့ ကန်ချနပူရီခရိုင်ရုံးက ညွှန်ကြားရေးမှူးကတော့ “လက်ရှိအနေနဲ့ ဒီဒေသမှာ အခန်းပေါင်း တစ်သောင်းကျော်ရှိပါတယ်။ အဲ့ဒီ အထဲအမှာ ဆယ်ရာခိုင်နှုန်းလောက်ကပဲ ကြယ် (၄) ပွင့် နဲ့ ကြယ် (၅) အဆင့် ဟိုတယ်တွေ ဖြစ်ပါတယ်” လို့ ပြောပါတယ်။

       ပြီးခဲ့တဲ့ နှစ်က ဒီဒေသကို ခရီးသွား (၇) သန်းလောက်လာပါတယ်။ သူတို့ထဲက (၅) သန်းလောက်က ထိုင်းတွေပဲ ဖြစ်ပါတယ်။ အဓိကနိုင်ငံခြားသား ခရီးသွားသည်တွေကတော့ ရေပူစမ်းတွေကို နှစ်သက်တဲ့ ရုရှတွေ၊ ဂေါက်ဖ်ရိုက်တဲ့ တောင်ကိုရီးယားတွေပဲ ဖြစ်ပါတယ်။ အနာဂတ်မှာတော့ ထားဝယ်စီမံကိန်းမှာ ပါဝင်ပတ်သတ်တဲ့လုပ်ငန်းရှင်ခရီးသွားတွေ ဒီဒေသကို ပိုမိုလာရောက်ဖို့ မျှော်မှန်းရပါတယ်။ ဒီအထဲမှာ တရုတ်နိုင်ငံသားတွေလည်း အပါအ၀င်ပေါ့ လို့ သူက ဆက်ပြောပါတယ်။

       အနာဂတ်မှာ အထူးသဖြင့် အာဆီယံ စီးပွားရေ အသိုင်းအ၀ိုင်း (AEC) စတင်လုပ်ဆောင်မယ့် ၂၀၁၅ ဆိုရင် ဒီဒေသမှာအခန်းတွေ ပိုမိုများပြားလာမှာပါ လို့လဲ ပြောပါတယ်။
ဒါပေမယ့် ဒီဒေသဟာ အာဆီယံ နဲ့ ထားဝယ်ကနေ အကျိုးအမြတ်ရမရ မသေချာတာရယ် ၊ ဒေသဈေးကွက် တည်ငြိမ်မှုရှိမရှိ မသေချာတာရယ် တို့ ကြောင့် ခရီးသွားလုပ်ငန်းရှင်တွေဟာ ငွေကြေးတွေ ပိုအော မြှုပ်နှံဖို့တော့ မ၀ံ့မရဲဖြစ်နေကြပါတယ်။

       တချို့ အလယ်အလတ်တန်းစား ဟိုတယ်တွေတော့ တည်ဆောက်ကြမှာပါ။ ဒေသခံ ရင်းနှီးမြှုပ်နှံသူတစ်ဦးကတော့ များများစားစား သုံးနိုင်ဖြုန်းနိုင်တဲ့ ဧည့်သည်တွေ အတွက် ဘတ် သန်း(၂၀၀) နဲ့ (၃၀၀) ကြားကုန်ကျမယ့် ဟိုတယ်တစ်ခုကို တည်ဆောက်မှာ ဖြစ်ပါတယ်။ ဒီဟိုတယ်ဆောက်လုပ်ပြီးရင်  အခန်းခအနေနဲ့ တစ်ညကို ဘတ် (၈၀၀၀) ကနေ ဘတ်(၁၀၀၀၀) အထိ ရှိတဲ့ အခန်းပေါင်း (၆၀) နဲ့ လည်ပတ်ဖွင့်လှစ်မှာ ဖြစ်ပါတယ်။

       ခုလက်ရှိတော့ ဒီဒေသမှာ အလယ်အလတ်တန်းစား ခရီးသွားတွေပဲ များပါတယ်။ ပျမ်းမျှ အခန်းခတွေကတော့ ဘတ်(၁၆၀၀) ကနေ ဘတ်(၁၈၀၀) ကြားတွေ ဖြစ်ပါတယ်။

       ခရီးသွားအဖွဲ့ရဲ့ ဥက္ကဌကတော့ ဒီဒေသမှာ ရေရှည်တည်တံ့မယ့် ခရီးသွားလုပ်ငန်း အထူးသဖြင့် သဘာဝအခြေခံခရီးသွားလုပ်ငန်း (Eco-tourism) ကိုပဲ အဓိကထားဖို့ ဆန္ဒရှိနေပါတယ်။
       သူ့ဒေသကို မယ်ဟောင်ဆောင်ခရိုင်က တောင်ပေါ်မြို့ကလေးဖြစ်တဲ့ ပိုင်မြို့(Pai) ရဲ့ အောင်မြင်တဲ့ ပုံပြင်ဇာတ်လမ်းနောက်ကို လိုက်မလုပ်စေချင်ပါဘူး။

       “ ကန်ချနပူရီကို သဘာဝအလှ၊ သမိုင်းဆိုင်ရာ၊ ဒေသခံတွေရဲ့ ရိုးရာနေထိုင်မှုပုံစံ စတာတွေရဲ့ ကိုယ်ပိုင်အမှတ်လက္ခ္ခဏာဒေသအဖြစ် ဆက်လက် ထိန်းသိမ်းရမှာ ဖြစ်ပါတယ်” လို့ သူက ပြောပါတယ်။

Ref; The Nation

လက်ပံတောင်းတောင် အရေးအခင်းနဲ့ ပတ်သတ်သမျှ ပြောကြဆိုကြ

ဒီတစ်ပုဒ်ကတော့ လက်ပံတောင်းတောင် ကိစ္စနဲ့ ပတ်သတ်လို့  မတူညီတဲ့ ပါဝင်ပတ်သတ်သူတွေက မတူညီတဲ့ရှုထောင့် အသီးသီးက ပြောပြဆိုကြတာတွေကို သတင်းဌာနများကနေ ထုတ်နုတ်စုစည်းထားတာတွေ ဖြစ်ပါတယ်။

“ငယ်ငယ်က ပထ၀ီထဲမှာသင်ခဲ့ရတဲ့ စပယ်တောင်ဟာ မရှိတော့ပါဘူး။ ပထ၀ီထဲကစပယ်တောင်ဟာ သမိုင်းထဲမှာ ကျန်ခဲ့ပြီ။” ( Facebooker တစ်ဦး)

လက်ပံတောင်းတောင် ကြေးနီသတ္ထုတွင်းနှင့်ပတ်သက်၍ ခွင့်ပြုသည့်ရက်စွဲမှာ သတ္ထုအကြီး စားတူးဖော်ထုတ်လုပ်မှုအတွက် ခွင့်ပြုမိန့် ၅/၃/၂၀၁၀နှင့် နိုင်ငံသား ရင်းနီးမြုပ်နှံမှုဆိုင်ရာ ခွင့်ပြုမိန့်မှာ ၅/၅/၂၀၁၀ ဖြစ်ပြီး သက်တမ်းကာလမှာ ၂၈ နှစ်ဖြစ်ကြောင်း၊ ခွင့်ပြုသည့်ဧရိယာမှာ ၇၈၆၇.၇၈ ဧကဖြစ်ကြောင်းလည်း သိရသည်။
(http://www.first-11.com/index.php?option=com_content&view=article&id=15716:2012-09-26-17-46-41&catid=42:2009-11-10-07-36-59&Itemid=112)

“နိုင်ငံခြားကနေ လာပြီးတော့ ရင်းနှီးမြှုပ်နှံတယ် ဆိုရင် ကျနော်တို့က မူဝါဒ ပေးထားပါတယ်။ တစ်အချက်ကတော့ ကိုယ့်နိုင်ငံသားတွေရဲ့ အကျိုးစီးပွားကို မထိခိုက်စေရဘူး။ နှစ်အချက်ကတော့ ကိုယ့်နိုင်ငံရဲ့ ဂုဏ်သိက္ခာကို မထိခိုက်စေရဘူး။ ဥပမာ - အနောက်နိုင်ငံတွေကနေ လာပြီးတော့ လက်ဝါးကြီး အုပ်သွားတာ၊ တရုတ်ကပဲ လာပြီးတော့ စီးပွားရေး လုပ်ငန်းတွေမှာ လက်ဝါးကြီး အုပ်သွားတာ ဆိုရင် နိုင်ငံလည်း သိက္ခာကျတယ်လေ။ အဲဒီတော့ ကိုယ့်နိုင်ငံရဲ့ ဂုဏ်သိက္ခာလည်း မထိခိုက်စေရဘူး။ နောက်တခုကတော့ အချုပ်အခြာ အာဏာပေါ့။ အဲဒီတော့ အချုပ်အချာအာဏာ ဆိုတော့ နိုင်ငံရေးသမားနဲ့ စီးပွားရေးသမားဟာ သိပ်ပြီးတော့ အချိတ်အဆက် လုပ်ပြီးတော့မှ လှုပ်ရှားရတဲ့သဘော ရှိပါတယ်။ ဥပမာ - နိုင်ငံရေးသမားကလည်း မဲရွေးဖို့ဆိုရင် စီးပွားရေးသမားဆီက လိုတဲ့ငွေကို အလှူခံရတာတွေ၊ လက်ခံရတာတွေ၊ ဒါတွေ ရှိတာပေါ့။ ဒါမှမဟုတ်ရင် နိုင်ငံရေးသမား အာဏာရတဲ့အခါမှာလည်း စီးပွားရေးသမားကို ပြန်ပြီးတော့ နေရာပေးရတာတွေလည်း ရှိတာပေါ့။ သို့သော်လည်း ဒီဟာတွေက သိပ်ပြီးတော့ ထဲထဲဝင်ဝင်နဲ့ သိပ်ပြီးတော့ များလာလို့ရှိရင် စီးပွားရေးသမားက အချုပ်အချာ အာဏာမှာလာပြီးတော့ ချုပ်ကိုင်တဲ့ သဘောမျိုးတွေ သက်ရောက်နိုင်တယ်။ ဒါကြောင့်မိုလို့ အချုပ်အချာအာဏာကိုတော့ မထိခိုက်စေ ရဘူး။ နောက်တခုကတော့ သဘာဝပတ်ဝန်းကျင်ကို ကျနော်တို့ မပျက်ယွင်း စေရဘူး။ ဘာဖြစ်လို့လဲဆိုတော့ ရှိသမျှ အကုန်ထုတ်ယူပြီးတော့ အကုန်လုပ်သွားလို့တော့ မဖြစ်ဘူး။ ဘာဖြစ်လို့လဲ ဆိုတော့ ကျနော်တို့ သားစဉ်မြေးဆက် ချန်ထားခဲ့ရဦးမှာ။ ဒါကြောင့်မိုလို့ ရင်းနှီးမြှုပ်နှံမှု အပိုင်းနဲ့ ပတ်သက်ပြီးတော့ လာပြီးတော့ ဒီလို ရင်းနှီးမြှုပ်နှံခြင်းအားဖြင့် ကိုယ့်တိုင်းရင်းသားရဲ့ အကျိုးစီးပွားကို ထိခိုက်စရာ အကြောင်းမရှိပါဘူး။ ကျနော်တို့ ဒါကို အကာအကွယ် ပေးထားပါတယ်။ နောက်တခုကလည်း investment law နဲ့လည်း အကာအကွယ် ပေးထားတယ်။” ( နိုင်ငံတော် သမ္မတ ဦးသိန်းစိန်)
 (http://burmese.voanews.com/content/thein-sein-voa-09-29-12/1517536.html)

 “မြစ်ဆုံလိုတော့ မဟုတ်ပါဘူး။ ကျွန်တော် သူတို့ကို နည်းလမ်းတစ်ခု ပေးထားတာကတော့ ကောင်းပြီ ရွှေ့ချင်တဲ့ သူတွေက ဟိုဘက်ကို ရွှေ့ကုန်ပြီ။ မရွှေ့ချင်တဲ့ သူတွေကိုတော့ ခုနလို သူတို့ကို ခုနလို ဧရိယာလေး သတ်မှတ်ပေးပြီး လက်ရှိအတိုင်းပဲ နေပါစေ။ ဆိုပြီးတော့ ဒီအတိုင်းပဲတော့ ကျွန်တော်မှာခဲ့တယ်။ အဲ့တော့ နောက်ဆက်တွဲတော့ ဘယ်လို ပြေလည်မလဲ မပြေလည်မလဲ ဆိုတာတော့ ကျွန်တော်လည်း မသိသေးဘူး ခုနက။ ရွှေ့ပေးချင်တဲ့ လူတွေ ရွှေ့ချင်တဲ့  သူတွေတော့ ရွှေ့သွားကြပြီ။ တချို့လဲ မရွှေ့ချင်လို့ ရွာလေး (၃) ရွာတော့ ကျန်နေတယ်။ အဲ့ဒိ သုံးရွာထဲက သည်ပင်လျှင် တရွာထဲက တ၀က်ကျော်ကျော်လောက်က ရွှေ့ပြီး တ၀က်လောက်က ကျန်နေတယ်။ ဒါလေးတွေကလဲ နောက်မှာလဲ ပယောဂတွေ ဘာတွေ ရှိတယ်ထင်တယ်။ ဒါတွေကတော့ သိပ်ပြောလို့လဲ မကောင်းဘူး။” ( နိုင်ငံတော် သမ္မတ ဦးသိန်းစိန်)
(http://www.youtube.com/watch?v=14PnRuHexxY&feature=player_embedded)


လက်နက်နဲ့ အာဏာယူခဲ့တဲ့ အရင်စစ်အစိုးရလက်ထက်မှာ ၂ ဦးသဘောတူကြိတ်ပြီး လက်မှတ်ရေးထိုးခဲ့တဲ့ သဘော တူစာချုပ်တွေကို မျက်စိမှိတ်ပြီး လက်ခံမှာမဟုတ်ဘူးလို့ စက်တင်ဘာလ ၃၀ ရက်နေ့ကလုပ်တဲ့ လက်ပံတောင်းတောင် ကြေးနီစီမံကိန်းနဲ့ ပတ်သက်တဲ့ဆွေးနွေးပွဲမှာ ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်က ပြောကြား လိုက်ပါတယ်။
ဘိုးဘွားပိုင်မြေတွေကို ကြိုက်သလောက်ပေးပါဆိုပြီး လက်ညှိုးထိုးရောင်းခဲ့တာတွေ များနေပြီလို့ ကိုမင်းကိုနိုင်က မြန်မာပြည်ရဲ့ သံယံဇာတတွေကို စစ်အာဏာရှင်တွေ ရောင်းစားခဲ့တာနဲ့ ပတ်သက်ပြီး ဝေဖန်ပြော ဆိုလိုက်ပါတယ်။ စီမံကိန်းတွေလုပ်ရင် ပြည်သူ့အကျိုးအတွက် ဘယ်လောက်ရမှာပဲ၊ သဘာဝန်းကျင်တွေ ဘယ် လောက်ထိခိုက်မှာလဲ၊ နောက်မျိုးဆက်တွေအတွက် ဘယ်လိုဆိုးကျိုးတွေ ဖြစ်လာမလဲဆိုတာတွေကို ပြည်သူလူထု အနေနဲ့ အခုကတည်းကစပြီး ပွင့်ပွင့်လင်းလင်း လေ့လာဖို့ တိုက်တွန်းသွားပါတယ်။
ကိုမင်းကိုနိုင် ပြောစကား
(https://www.facebook.com/DVBTVNews/posts/449729025065603)

ကြေးနီစီမံကိန်းနှစ်ခုလုံးတွင်ရေနှင့်မြေစစ်ဆေးမှုပြုလုပ်ခဲ့သော အစိမ်းရောင်ကွန်ယက်မှ ဒေါ်ဒေ၀ီသန့်စင်ကလည်း

"စိုက်ပျိုးလို့ရတဲ့မြေတွေအပေါ်မှာ ကြေးနီဓာတ်ပါဝင်မှုများတဲ့မြေတွေပုံနေတာကြာရှည်ဆိုရင် မြေဆီလွှာထိ ခိုက်ပျက်စီးနိုင်တယ်လို့

စစ်ဆေးတဲ့သူတွေကပြောပါတယ် လက်ရှိမှာလဲ စံပယ်တောင်ကြေးစင်တောင် စီမံကိန်းနားမှာရှိတဲ့ကံကုန်းရွာအရှေ့

အနောက်တောင်မြောက်မှာရှိတဲ့မြေအောက်ရေကိုစစ်ဆေးရာတွင်လဲ ရေတွေပျက်စီးပြီးသုံးလို့ မရတဲ့အဖြေတွေထွက်နေတယ်လို့

မန္တလေးကျန်းမာရေးဦးစီးဌာနက သတင်းထုတ်ပြန်ထားပါတယ်"ဟု ပြောသည်။
(https://www.facebook.com/7daynews/posts/421259594602347)

"ဒီပြဿနာ ဖြစ်မယ်ဆိုတာ လွန်ခဲ့တဲ့ တစ်နှစ် ခြောက်လ ကတည်းကတည်းက အမြဲပြောနေပါတယ်။ သို့သော်လည်း ဖြစ်တယ် . . .

"ပတ်ဝန်းကျင်ကို ကောင်းကောင်းထိန်းမယ်။ CSR (Corporate Social Responsibility) ကို ကောင်းကောင်းလုပ်ပေးရင် ဒေသခံတွေက ကုမ္ပဏီကို ခြေထောက်ဖက် ထားမှာပေါ့။

ကျွန်တော် ထင်တယ် Error ရှိတယ်"

ဦးစိုးသိန်း
ဥက္ကဋ္ဌ၊ မြန်မာ့ရင်းနှီးမြှပ်နှံမှု ကော်မရှင် (MIC)
ကြေးနီတောင် စီမံကိန်းနှင့် ပတ်သက်၍ ရည်ညွန်းပြောဆိုချက်
(နယူးယောက်မြို့တော်တွင် မြန်မာမိသားစုများနှင့် စက်တင်ဘာ ၂၉ ရက်နေ့ ကတွေ့ဆုံစဉ်ပြောကြားခဲ့ခြင်းဖြစ်သည်)
(https://www.facebook.com/thevoiceweekly/posts/473262906027307)

“နစ်နာဆုံးရှုံးမှုတွေက ဒီစီမံကိန်းစတည်းက ကျွန်မတို့ရွာတွေ အဖျက်စီးခံရတာတွေ၊ ဘုန်းကြီးကျောင်းချိတ်ပိတ်ခံရတာရယ်၊ ၂၀၁၁ ကလေးတွေရဲ့ ပညာသင်ကြားရေးမှာ ပညာသင်ကြားခွင့် လုံးဝမရရှိခဲ့တာရယ်၊ နောက်လယ်ယာမြေတွေ ဆုံးရှုံးမှုတွေ အပေါ်မှာ အများကြီးနစ်နာတာပေါ့။” ၀က်မှေးရွာသူ မသွဲ့သွဲ့ဝင်း
(http://soundcloud.com/burmeserfa/th4qwuxhch4d)

ထားဝယ် သို့မဟုတ် ... : Development vs. Environment ? အပိုင်း (၈)

ပြည်ထောင်စုသမ္မတ မြန်မာနိုင်ငံ ပြည်ထောင်စုအစိုးရအဖွဲ့မှ ၂၀၁၂  ခုနှစ် မတ်လအတွင်းက တနင်္သာရီ တိုင်းဒေသကြီး၊ ထားဝယ်ခရိုင်အတွင်း ရှိ ဧရိယာ အကျယ်အ၀န်း ၅၀၅၀၅ ဒသမ ၀၂၃၃ ဧကရှိသည့် နယ်မြေအား ထားဝယ်အထူးစီးပွားရေးဇုန် အဖြစ် သတ်မှတ်ပေးခဲ့သည်။
http://news-eleven.com/index.php?option=com_content&view=article&id=15502:2012-09-16-04-15-19&catid=99:2011-04-10-07-08-41&Itemid=174

            ထားဝယ်စီမံကိန်းမှာ ပါဝင်တဲ့ ရေနက်ဆိပ်ကမ်းဟာ ထိုင်းနိုင်ငံမှာ အကြီးဆုံးဆိပ်ကမ်းဖြစ်တဲ့ လန်ချဘန်ဆိပ်ကမ်းရဲ့ (၁၀) ဆ ရှိပြီး၊ စက်မှုဇုံကတော့ ထိုင်းနိုင်ငံက အကြီးဆုံးစက်မှုဇုံဖြစ်တဲ့မတ်တာဖွတ်ရဲ့လေးဆမျှ ကြီးကျယ်ပါတယ်။

             ထားဝယ်စီမံကိန်းတွင် ရေနက်ဆိပ်ကမ်း၊ စက်မှုဇုံ၊ တို့ ပါဝင်မှာ ဖြစ်ပြီး ထိုင်းနိုင်ငံနှင့် ဆက်သွယ်မည့် အဝေးပြေးကားလမ်း( ၈လမ်းသွား)၊ ရထားလမ်းတို့ နဲ့ အပြိုင်တွင် သဘာဝဓါတ်ငွေ့ပိုက်လိုင်းပါ သွယ်တန်းသွားမည် ဖြစ်ပါတယ်။

ထားဝယ်စီမံကိန်းရဲ့ လမ်းကြောင်းဆက်သွယ်နိုင်မယ့် အလားအလာ Picture-http://www.daweidevelopment.com/index.php/en/about-ddc/introduction

           
               လမ်းကြောင်းအနေနဲ့ အိမ်နီးချင်း တရုတ်၊ အိန္ဒိယ နဲ့ အရှေ့တောင်အာရှ ဒေသများနဲ့ ဆက်သွယ်သွားမှာ ဖြစ်ပါတယ်။ ဒီလိုဆက်သွယ်ပြီး အရှေ့အလယ်ပိုင်းနဲ့ အာဖရိကမှ တရုတ်နဲ့ ဂျပန်နိုင်ငံများကို ကုန်ပစ္စည်းများ သယ်ဆောင်လာတဲ့ ကုန်တင်သင်္ဘောတွေကို ကျဉ်းမြောင်းပြီး ကျပ်သိပ်တဲ့ မလက္ကာရေလက်ကြားကို ဖြတ်သန်းစရာမလိုအောင် လမ်းလွှဲပေးနိုင်မှာ ဖြစ်ပါတယ်။အဖွဲ့ဝင် (၁၀) နိုင်ငံပါဝင်တဲ့ အရှေ့တောင်အာရှ နိုင်ငံများ အသင်း (အာဆီယံ)က ၂၀၁၅ မှာ အကောင်အထည်ဖော်ဖို့ ရည်မှန်းထားတဲ့ ဘုံဈေးကွက်အတွက် ထားဝယ်ဟာ အရေးပါတဲ့ အခန်းကဏ္ဍမှာ ရှိလာလိမ့်မယ်လို့ မျှော်လင့်နေကြပါတယ်။
http://www.daweidevelopment.com/index.php/en/dawei-project/project-overview-


ထားဝယ်စက်မှုဇုံတွင်
 (၁)ဆိပ်ကမ်း နဲ့ အကြီးစား စက်မှု
        သံမဏိစက်ရုံ၊ ဓါတ်မြေသြဇာစက်ရုံ၊ ကျောက်မီးသွေး ဓါတ်အားပေးစက်ရုံ

(၂) ရေနံ နဲ့ ဓါတ်ငွေ့ စက်မှု
ရေနံချက်စက်ရုံ၊ ဓါတ်ငွေ့သိုသောင်ကန်နေရာ၊ ဓါတ်ငွေ့ သန့်စင်စက်ရုံ၊ ပေါင်းစပ်လည်ပတ်မည့် ဓါတ်အားပေးစက်ရုံ

 (၃) ရေနံဓါတုစက်ရုံရပ်ကွက်
ရေနံဓါတုစက်ရုံများ

 (၄) အလတ်စားစက်မှု
 ကားတာယာ၊ စက္ကူ၊ အလှဆင်ကျောက်ပြား၊ ရာဘာ၊ ကားပစ္စည်းတပ်ဆင် စက်ရုံ၊ စတီးပစ္စည်းစက်ရုံ

  (၅) အပေါ့စားစက်မှု

 အထည်ချုပ်စက်ရုံ၊ အလှကုန်ပစ္စည်း စက်ရုံ၊ ကွန်ပျူတာ အစိတ်အပိုင်းစက်ရုံ။ စားသောက်ကုန်ပြင်ဆင်ထုတ်ပိုးစက်ရုံ (Food Processing Plant)

 (၆) အာဏာပိုင် နဲ့ မြို့နယ်စင်တာ

  အာဏာပိုင်စင်တာ၊ မြို့နယ်နဲ့ စီးပွားရေး ရပ်ကွက်၊ One  Stop Services and Other Facilities

 (၇) ထောက်ပံ့ရေး ၊  မြို့နယ် လူမှုအဖွဲ့၊ စီးပွားရေး ဌာန

http://www.daweidevelopment.com/index.php/en/dawei-project/dawei-industrial-estate-


ကျောက်မီးသွေးစက်ရုံနဲ့ ပတ်သတ်သမျှ
Fri Sep 21, 2012

             ဒေသခံတွေရဲ့ တအုံအုံတနွေးနွေးဖြစ်နေတဲ့ ဒေါသရယ်၊  ကုမ္ပဏီဘက်က ရင်းနှီးထည့်ဝင်ရမယ့်ငွေကြေး မသေချာ မရေရာဖြစ်မှုတို့ကြောင့် လွန်ခဲ့တဲ့ လအနည်းငယ်က ဒီစီမံကိန်းဟာ ရပ်တန့်မလို ဖြစ်သွားခဲ့ပါသေးတယ်။ အများစုဟာ ဆင်းရဲတဲ့ လယ်သမားတွေ၊ သီဟိုခြံသမားတွေ၊ ရာဘာခြံသမားတွေ ဖြစ်ကြပြီး သက်ကယ်မိုး အိမ်ကလေးတွေနဲ့ နေနေကြတဲ့ ဒေသခံ (၃) သောင်း ခန့်ကို စီမံကိန်းဆောက်လုပ်တဲ့ (၁၀) နှစ်အတွင်းအပြီး ပြောင်းရွှေ့ခိုင်းမှာ ဖြစ်ပါတယ်။


                 ထိုင်းနိုင်ငံရဲ့ အကြီးဆုံး စက်မှုဇုံဖြစ်တဲ့ မတ်တာဖွတ်ရဲ့ လေးဆမျှရှိတဲ့ ဒီစီမံကိန်းရဲ့ ပတ်ဝန်းကျင် နဲ့ ကျန်းမာရေးဆိုင်ရာ အန္တရာယ်ဖြစ်လာမယ့် အလားအလာအတွက် ထားဝယ်ဒေသမှာ နေထိုင်ကြတဲ့ ဒေသခံတွေဟာ ပူပင်သောကများနေကြပါတယ်။ ထိုင်းနိုင်ငံက မတ်တာဖွတ်စက်မှုဇုံရဲ့ ပတ်ဝန်းကျင်ကို ညစ်ညမ်းစေမှုကြောင့် (၁၉၉၆) ကနေ (၂၀၀၉) ခုနှစ်အတွင်း အနည်းဆုံးလူဦးရေ (၂၀၀၀) ဟာ ကင်ဆာနဲ့ ဆက်စပ်တဲ့ ရောဂါတွေနဲ့ သေဆုံးခဲ့ရတယ်လို့ ၂၀၀၉ ခုနှစ်က တရားစွဲဆိုလုပ်ဆောင်ခဲ့ကြတဲ့ ပတ်ဝန်းကျင်ဆိုင်ရာ တက်ကြွလှုပ်ရှားသူတွေရဲ့အဆိုအရ ထားဝယ်ဒေသခံတွေဟာ သိနေကြတာဖြစ်ပါတယ်။


              ဒေသခံတွေရဲ့ စိုးရိမ်သောကကို အလေးထားတဲ့ အနေနဲ့ အစိုးရက (၄၀၀၀) မက်ဂါဝပ်ရှိတဲ့ ကျောက်မီးသွေးစက်ရုံဆောက်လုပ်မယ့် အစီအစဉ်ကို ၂၀၁၂ ခုနှစ်၊ ဇန်န၀ါရီလမှာ ဖျက်သိမ်းခဲ့ပါတယ်။ ထိုစက်ရုံနေရာမှာ မက်ဂါဝပ် (၄၀၀) ထုတ်လုပ်မယ့် သန့်စင်တဲ့ ကျောက်မီးသွေးစက်ရုံကို အစားထိုးဆောက်လုပ်မှာ ဖြစ်ပါတယ်။ ဒီသန့်စင်တဲ့  ကျောက်မီးသွေးနည်းပညာကတော့ ကာဗွန်ဒိုင်အောက်ဆိုဒ်နဲ့ တခြားအဆိပ်အတောက်ဖြစ်စေတဲ့ ထုတ်လွှင့်မှုတွေကို ထိန်းထားပြီး မြေအောက်ရဲ့နက်တဲ့နေရာမှာ ထားခြင်း သို့မဟုတ် ပိုက်လိုင်းဖြင့် သွယ်ပြီး ရေနံနဲ့ ဓါတ်ငွေ့ထွက်ရာနေရာတွေကို ပို့ဆောင်ခြင်း ပြုလုပ်မှာ ဖြစ်ပါတယ်။

          “သန့်စင်တဲ့ ကျောက်မီးသွေးနည်းပညာဆိုရင်တော့ ကျနော်တို့ ခွင့်ပြုသွားမှာ ဖြစ်ပါတယ်။ ကျွန်တော်တို့ သမ္မတ ဦးသိန်းစိန် ဂျပန်ကို သွားရောက်စဉ်က J- Power Group မှာ ဒီနည်းပညာကို မြင်တွေ့ခဲ့ပြီးလည်း ဖြစ်ပါတယ်”လို့ ထားဝယ်အထူးစီးပွားရေးဇုန်တာဝန်ခံ ဦးသောင်းလွင်က ပြောပါတယ်။
http://uk.reuters.com/article/2012/09/21/uk-myanmar-thailand-dawei-idUKBRE88K0D720120921


 ထားဝယ်စီမံကိန်းနဲ့ ပတ်သတ်တဲ့နောက်ဆုံး သတင်းတချို့


            အီတာလျံ-ထိုင်းကုမ္ပဏီက ငွေကြေးထည့်ဝင်ဖို့ ခက်ခဲနေပါတယ်။ ဒါ့ကြောင့် အခုဆိုရင် ထိုင်းအစိုးရက စီမံကိန်းကို ပိုမိုထိထိရောက်ရောက် ပါဝင်နေရပါတယ်။ နောက်တဆင့်ကတော့ ဂျပန် ရင်းနှီးမြှုပ်နှံမှုကို ဖိတ်ခေါ်ဖို့ပဲ ဖြစ်ပါတယ်လို့ ဦးသောင်းလွင်က ပြောပါတယ်။


          ထိုင်းအစိုးရရဲ့ ကြားခံစီစဉ်ဆောင်ရွက်မှုဖြင့်  မြန်မာအစိုရ နဲ့အီတာလျံ-ထိုင်းကုမ္ပဏီ တို့ဟာ ထားဝယ်စီမံကိန်း နှစ် (၆၀) လုပ်ပိုင်ခွင့် အတွက် ၂၀၁၀ ခုနှစ် နိုဝင်ဘာလမှာ ဆွေးနွေးညှိနှိုင်းခဲ့ကြပါတယ်။ အီတာလျံ-ထိုင်းကုမ္ပဏီက ရှယ်ယာ (၅၁) ရာခိုင်နှုန်း၊ မြန်မာနိုင်ငံက လုပ်ငန်းရှင်ကြီး ဖြစ်တဲ့ ဦးဇော်ဇော်ရဲ့ မက်စ်မြန်မာဂရုက (၂၅) ရာခိုင်နှုန်းနဲ့ ကျန်တဲ့ ရှယ်ယာတွေကတော့ မြန်မာ အစိုးရက ထိန်းချုပ်မှာ ဖြစ်ပါတယ်။


            အီတာလျံ-ထိုင်းကုမ္ပဏီရဲ့ အဆိုအရ သူတို့ဟာ စီမံကိန်းရဲ့ ပထမအဆင့်မှာတော့ ရှယ်ယာ အများဆုံးပိုင်ဆိုင်နေဦးမှာ ဖြစ်ပါတယ်တဲ့။ ဒါပေမယ့် မြန်မာ၊ထိုင်း နဲ့ ဂျပန် အစိုရနဲ့ ကုမ္ပဏီတွေ ပူးပေါင်းတဲ့ အဖွဲ့ဖြစ်လာဖို့ ရှိနေပါတယ်။ “အဲ့အဖွဲ့မှာ ဂျပန်အစိုးရက တချို့ရှယ်ယာတွေကို ရယူဆောင်ရွက်သွားမှာ ဖြစ်ပါတယ်။ မြန်မာ အစိုးရရဲ့ ရှယ်ယာတွေကို ဂျပန်ကို ပေးဖြစ်မှာပါ။ ဂျပန်အစိုးရက ပုဂ္ဂလိက အခန်းကဏ္ဍတိုးတက်အောင် ကူညီလုပ်ဆောင်မှာ ဖြစ်ပါတယ်” လို့ ဦးသောင်းလွင်က ပြောပါတယ်။


            သြဇာကြီးတဲ့ မြန်မာလုပ်ငန်းရှင် ဦးဇော်ဇော်ရဲ့ ရှယ်ယာတွေကို လျှော့ချမယ်လို့ ခန့်မှန်းမိပါတယ်။ ဒါပေမယ့် အကုန်လုံးက မြန်မာနဲ့ထိုင်းအစိုးရတို့  ယာယီသဘောတူထားတဲ့  အောက်တိုဘာလ တွေ့ကြတဲ့ အခါမှ အခြေအနေတွေအားလုံးကို ဆွေးနွေးကြမှာ ဖြစ်ပါတယ်လို့ ထားဝယ်ဖွံဖြိုးရေး ကုမ္ပဏီ အကြီးအကဲ ဆွန်ဂျက် (Somjet) က ပြောပါတယ်။
http://uk.reuters.com/article/2012/09/21/uk-myanmar-thailand-dawei-idUKBRE88K0D720120921


စက်တင်ဘာ (၁၂) ရက် ဘန်ကောက်

                 ထားဝယ်စီမံကိန်းရဲ့ အဓိက ကန်ထရိုက်ဖြစ်တဲ့ အီတာလျံ-ထိုင်းကုမ္ပဏီဟာ သူ့ရဲ့ မူလ ရှယ်ယာ( ၅၁) ရာခိုင်းနှုန်းကနေ (၂၅) ရာခိုင်နှုန်းပဲထည့်ဝင်ဖို့ လျှော့ချလိုက်ကြောင်း ထားဝယ်ဖွံဖြိုးရေး ကုမ္ပဏီ က အတည်ပြုပြောကြားပါတယ်။
(ဒီသတင်းကတော့ ထားဝယ်ဒေသခံတွေရဲ့ ဖေ့စ်ဘုတ်စာမျက်နှာမှာ အင်္ဂလိပ်လို ရေးထားတာတွေ့တာပါ။ သတင်းကို ရှာကြည့်တော့ တခြားသတင်းဌာနတွေမှာ မတွေ့ပါဘူး။ အတည်ပြုဖို့တော့ သိပ်မသေချာသေးပါဘူး။)
https://www.facebook.com/DaweiWatch/posts/221095678018618


စက်တင်ဘာ (၁၈) နဲ့ (၂၀) ရက်နေ့က ဒေသခံတွေ ဆန္ဒပြခဲ့ကြပါတယ်။

               စက်တင်ဘာလ (၁၈) ၂၀၁၂ ခုနှစ်တွင် ထားဝယ်စီမံကိန်းအတွက် ရေကာတာဆောက်လုပ်မည့် ကလုံးထာကျေးရွာတွင်
သမ္မတကြီး ပြောကြားခဲ့သော ရင်းနှီးမြှုပ်နှံမှုဆိုင်ရာ မူဝါဒလေးချက်ဖြစ်သော

- မြန်မာနိုင်ငံသူ နိုင်ငံသားတို့ အကျိုးစီးပွားကို ကာကွယ်ရန်

- နိုင်ငံတော်၏ ဂုဏ်သိက္ခာကို ကာကွယ်ရန်

- နိုင်ငံတော်၏ အချုပ်အခြာအာဏာကို ကာကွယ်ရန်

- သဘာဝပါတ်ဝန်းကျင်ကို မထိခိုက်သော ရင်းနှီးမြုပ်နှံမှုကို သာခွင့်ပြုရန်

ကို ဆိုင်းဘုတ်စိုက်ထူခဲ့ပါသည်။

၂၀၁၂ စက်တင်ဘာလ(၂၀) နေ့က ထားဝယ်ဒေသ သပြုချောင်းကျေးရွာသားတွေ စိုက်ထူခဲ့တဲ့ ဆိုင်းဘုတ် Photo Credit-https://www.facebook.com/photo.php?fbid=502353926461285&set=a.502324523130892.130390.324514247578588&type=1&theater

           ၂၀၁၂ စက်တင်ဘာလ(၂၀) နေ့ကလည်း  ထားဝယ်ဒေသ သပြုချောင်းကျေးရွာ၊ နောက်ထပ် မတ္တာပွတ် စက်မှုဇုန်မျိုး နောက်တစ်ခု မလိုကြောင်း ဆိုင်းဘုတ်စိုက်ထူ ၀တ်ပြုဆုတောင်းပွဲသို့ ကျင်းပခဲ့ကြပြီး

“ Stop Building Another Map Ta Phut in Dawei”
 “ထားဝယ်မှာ မတ္တာပွတ်ထပ်ဆောက်တာရပ်”

ဟု ရေးသားထားသော ဆိုင်းဘုတ်ကို ဒေသများက ထားဝယ်ရေနက်ဆိပ်ကမ်းမှ ထိုင်းနိုင်ငံသို့ ဖောက်လုပ်ထားသော ကားလမ်းမ နံဘေးတွင် စိုက်ထူခဲ့သည်။

https://www.facebook.com/media/set/?set=a.502324523130892.130390.324514247578588&type=1


          ဖတ်ပေးတဲ့ သူတွေကို ကျေးဇူးအထူးတင်ရှိပါကြောင်း။      

  (ထိုင်းနိုင်ငံ ကန်ချနဘူရီဒေသမှာ ထားဝယ်စီမံကိန်းကို မှီပြီး ခရီးသွားလုပ်ငန်းလုပ်ဖို့ ပြင်ဆင်နေတဲ့ အကြောင်းကို နောက်အလျင်းသင့်လျှင် ဖော်ပြပါဦးမည်။)

ထားဝယ် သို့မဟုတ် ... : Development vs. Environment ? အပိုင်း (၇)

အပိုင်း (၇)
29/08/2012
          ထိုင်းအစိုးရအနေနဲ့ ထားဝယ် ရေနက်ဆိပ်ကမ်း စီမံကိန်းအတွက် မြန်မာ အစိုးရနဲ့ ပူးပေါင်းဆောင်ရွက်ရဖို့ ရှိတဲ့ လုပ်ဆောင်စရာတွေကို စီစဉ်ထားတဲ့ အတိုင်း ဆက်လက်လုပ်ဆောင်သွားမှာ ဖြစ်ပါတယ်။


             ထိုင်းနိုင်ငံရဲ့ နိုင်ငံခြားရေးရာ အတွင်းရေးမှူး ဆီဟာစတ် (Sihasak Phuangketkaew) ကတော့ အိမ်နီးချင်း ထိုင်းနဲ့ မြန်မာ ရေးထိုးထားကြတဲ့ နားလည်မှု စာချွန်လွှာအရ ထားဝယ်စီမံကိန်းအတွက် သဘောတရားဆိုင်ရာစာတမ်းငယ်ကို မြန်မာ အစိုးရထံ ပြီးခဲ့တဲ့ အပတ်က ပေးပို့ခဲ့ပါတယ်လို့ ပြောပါတယ်။

             ဒီနားလည်မှု စာချွန်လွှာကို မြန်မာ သမ္မတ ဦးသိန်းစိန် နဲ့ ထိုင်းနိုင်ငံ ၀န်ကြီးချုပ် ယင်လတ် တို့က ပြီးခဲ့တဲ့လ (ဇူလိုင်လ) က ရေးထိုးခဲ့ကြပါတယ်။

              ထားဝယ်စီမံကိန်းကို ထိုင်းအရှေ့ပိုင်း ကမ်းခြေတွေ နဲ့ အတူ အကောင်အထည်ဖော်ရာမှာ အားပေးဖို့ နှစ်ဘက် အစိုးရတွေ အနေနဲ့ မကြာခင်ကမှအဆိုပြုထားတဲ့ လုပ်ငန်းစဉ်တွေ အတိုင်း အတူတကွ လုပ်ဆောင်သင့်ပါတယ်။ ထိုင်းနိုင်ငံအနေနဲ့ နှစ်နိုင်ငံ အဆင့်မြင့် အရာရှိကြီးတွေ ပူပေါင်းလုပ်ဆောင်တဲ့ လုပ်ငန်းစဉ်ကို လိုလားပါတယ် လို့ သူက ပြောပါတယ်။


               ဆီဟာစတ်ဟာ မကြာခင်ကမှ ထိုင်းနိုင်ငံ ပို့ဆောင်ရေး နဲ့ စက်မှုဝန်ကြီးဌာနက အရာရှိတွေ၊ နောက် အမျိုးသား စီးပွားရေး နှင့် လူမှု ဖွံ့ဖြိုးတိုးတက်ရေးဘုတ်အဖွဲ့က အဖွဲ့ဝင်တွေကို ဦးဆောင်ပြီး မြန်မာပြည်ကို သွားခဲ့ပါသေးတယ်။


               ဒီအဖွဲ့ဟာ ထားဝယ်စီမံကိန်းစတင်ဖို့ ၀န်ကြီးချုပ်ယင်လတ် မြန်မာပြည်ကို မသွားခင်မှာ ထပ်မံသွားရောက်ပြီး ညှိုနှိုင်းတိုင်ပင်စရာရှိတာတွေကို သွားရောက်တိုင်ပင်ဦးမှာ ဖြစ်ပါတယ်။ (၀န်ကြီးချုပ် ယင်လတ်ရဲ့ ခရီးစဉ်ဟာ ယခုလက်ရှိတော့ ပျက်သွားပြီ လို့ သတင်းများမှာ  ဖော်ပြထားပါတယ်။  ဘယ်တော့ သွားဖြစ်မယ်ဆိုတာ မသိရှိသေးပါ။ )


             မြန်မာ သမ္မတ ဦးသိန်းစိန်ဟာ နှစ်နိုင်ငံ ပူးပေါင်းလုပ်ဆောင်မယ့် ထားဝယ်စီမံကိန်းနဲ့ ပတ်သတ်ပြီး  စောနိုင်သမျှ စောစော ပြောဆိုချင်နေပါတယ်လို့ ထိုင်းနိုင်ငံ၊ နိုင်ငံခြားရေးရာဝန်ကြီးက ပြောဆိုပါတယ်။


              ဆီဟာစတ်က “နှစ်နိုင်ငံ အစိုးရတွေဟာ အခြေခံအဆောင်အဦ ဆောက်လုပ်ရေး၊ စက်မှုဇုံတည်ဆောက်ရေး၊ စွမ်းအင်ဆိုင်ရာ ပူးပေါင်းဆောင်ရွက်ရေး၊ နယ်စပ်ဖြတ်ကျော် ကုန်စည်တွေ ပို့ဆောင်ရာမှာ လိုအပ်တဲ့ စည်းမျဉ်း စည်းကမ်းတွေ သတ်မှတ်ရေးတို့ကို အလေးထားသွားမှာ ဖြစ်ပါတယ်” လို့ ပြောပါတယ်။


               ဒါ့အပြင် ထိုင်းနိုင်ငံဟာ ထားဝယ် ပတ်ဝန်းကျင်မှာ နေထိုင်ကြတဲ့ ဒေသခံတွေရဲ့ဖွံ့ဖြိုးတိုးတက်ရေး၊ အသက်မွေးဝမ်းကြောင်းမှုဆိုင်ရာ  သင်တန်းတွေပေးရေး၊ ဒေသခံတွေကို ပြောင်းရွှေ့ အခြေချပေးရေး၊ အတတ်ပညာပိုင်းဆိုင်ရာ ကိစ္စတွေ၊ ပညာရေး နဲ့ ကျန်းမာရေးဆိုင်ရာ ထောက်ပံ့မှုတွေမှာ  ပူးပေါင်းလုပ်ဆောင်ဖို့ တွန်းအားပေးမှာလည်း ဖြစ်ပါတယ်။


          အဓိက ကန်ထရိုက်ဖြစ်တဲ့ အီတာလျံထိုင်း ကုမ္ပဏီကို ကူညီဖို့၊ ရင်းနှီးမြှုပ်နှံသူတွေကို အားပေးဖို့ နဲ့ စီမံကိန်းဆောက်လုပ်ရာမှာ လိုအပ်တဲ့ ပစ္စည်းတွေ ရွှေ့ပြောင်းရာမှာ ကူညီဖို့ လုပ်ဆောင်သွားမှာ ဖြစ်ပါတယ်။


          စီမံကိန်းအကြောင်းကို နိုင်ငံတကာက သိရှိအောင်လည်း ထိုင်းနိုင်ငံက ကြိုးစားသွားမှာ ဖြစ်ပါတယ် လို့ ဆီဟာစတ် က ပြောဆိုပါတယ်။


          လူထု အခြေပြု အဖွဲ့တွေရဲ့ခေါင်းဆောင်တွေရယ်၊ အတတ်ပညာရှင်တွေကတော့ မြန်မာနိုင်ငံဘက်က ထားဝယ်နဲ့ ထိုင်းနိုင်ငံကို ဆက်သွယ်မယ့် လမ်းတလျှောက်မှာ ရှိတဲ့ ဒေသခံတွေကို ဆိုးရွားတဲ့ အကျိုးသက်ရောက်မှုတွေ ဖြစ်စေနိုင်မယ်လို့ ယုံကြည်ကြတဲ့ အတွက် ထိုင်းအစိုးရ အနေနဲ့ ဒီစီမံကိန်းကို ပြန်လည် သုံးသပ်ပေးဖို့ တောင်းဆိုထားကြပါတယ်။
(http://www.bangkokpost.com/news/local/309797/govt-to-submit-coordination-blueprint-for-dawei-port)


30/08/2012
          ထိုင်းအစိုရ အနေနဲ့ ထားဝယ်စီမံကိန်းမှာ လုပ်ဆောင်နေကြတဲ့ နိုင်ငံတကာ ရင်းနှီးမြှုပ်နှံသူတွေနဲ့ ငွေကြေးထည့်ဝင်သူတွေကို ပိုမို အဆင်ပြေစေဖို့ အတွက် မြန်မာပြည်အတွင်းမှာ ပို့ဆောင်ရေးနဲ့ အခြခံ အဆောင်အဦတွေ ဖွံဖြိုးအောင် ရင်းနှီးမြှုပ်နှံဖို့ အေဒီဘီ (The Asian Development Bank) က အကြံပြုလိုက်ပါတယ်။

                        ထိုင်းနိုင်ငံဆိုင်ရာ အေဒီဘီ ညွှန်ကြားရေးမှူး         (Photo- Bangkok Post)

        

             ထိုင်းနိုင်ငံ ဘန်ယိုင်ခရိုင် နဲ့ ကန်ချနဘူရီ ဒေသတွေ သာမက ထားဝယ်ကို ရောက်ရှိဖို့ အတွက် ကားလမ်း၊ ရထားလမ်းအတွက်ပါ စဉ်းစားသင့်တယ်လို့ ထိုင်းနိုင်ငံဆိုင်ရာ အေဒီဘီ ညွှန်ကြားရေးမှူးက ပြောဆိုလိုက်တာပါ။ 

 (ဘန်ယိုင်ခရိုင် (Bang Yai District) ဟာ ထိုင်းနိုင်ငံ အလယ်ပိုင်းလောက်မှာ ရှိပါတယ်။ ကျန်ချနဘူရီ ဒေသ (Kanchanaburi Province) ကတော့ ထိုင်းနိုင်ငံ အနောက်ပိုင်း မြန်မာ နယ်စပ်နဲ့ ကပ်လျက်ရှိပြီး ထားဝယ်ကို သွားရာမှာ ဖြတ်သန်းသွားရတဲ့ ဒေသဖြစ်ပါတယ်။ ကျန်ချနဘူရီ နာမည်က ဒေသ(Province)၊ ခရိုင် (District ) နဲ့ မြို့နာမည်တွေ အားလုံးရှိပါတယ်။ ထိုင်းနိုင်ငံမှာ ဒေသ (Province) ပေါင်း (၇၆)ခု ရှိပါတယ်။ ဘန်ကောက်ကတော့ ဒေသ (Province) မဟုတ်ဘဲ အထူးစီမံခန့်ခွဲမှု ဧရိယာ (special administrative area) တစ်ခု ဖြစ်ပြီး ဘန်ကောက်ကိုပါ ပေါင်းရင် ထိုင်းနိုင်ငံမှာ ဒေသပေါင်း (၇၇) ခု ရှိပါတယ်။ ဒေသ(Province ) တွေ နာမည်ကိုတော့ နီးစပ်ရာမြို့ကြီးတွေရဲ့ နာမည်ပေးထားပါတယ်။ ဒေသတစ်ခုချင်းစီမှာ ခရိုင်ပေါင်း (၃) ခရိုင်ကနေ (၅၀) ခရိုင်အထိပါဝင်ပြီး ထိုင်းနိုင်ငံမှာ ခရိုင်စုစုပေါင်း (၈၇၈) ခရိုင်ရှိပါတယ်။)

                  အကြီးအကျယ် ရင်းနှီးမြှုပ်နှံမှု မလိုပါဘူး။ ထားဝယ်ကို ရောက်ဖို့ ကနဦးလိုအပ်တဲ့ ပမာဏကိုပဲ ပြောတာပါ လို့ သူကဆိုပါတယ်။

                   အေဒီဘီ အနေနဲ့ ဘန်ယိုင် နဲ့ ကန်ချနဘူရီ လမ်းကြောင်းအတွက် အတတ်ပညာဆိုင်ရာ ထောက်ပံ့မှုတွေ လုပ်ဆောင်ပြီး ဖြစ်ပါတယ်။


                  အဝေးပြေးလမ်းဌာန အနေနဲ့ (၈၉) ကီလိုမီတာရှည်တဲ့၊ ဘတ် (၄၅.၉) ဘီလီလျံကုန်ကျမယ့် ဘန်ယိုင်- ကန်ချနဘူရီလမ်းကြောင်းကို စတင်လုပ်ဆောင်နေပါပြီ။


                 ထားဝယ်စီမံကိန်းရဲ့ အဓိက ပြဿနာကတော့ ပထမ အဆင့်မှာ ကုန်ကျမယ့် ဒေါ်လာ( ၈) ဘီလီလျံ နဲ့ အဆင့်အားလုံးအနေအတွက်ကျန်ကျမယ့် ဒေါ်လာ (၅၀)ဘီလီလျံ စတဲ့ ထည့်ဝင်ဖို့လိုအပ်တဲ့ ငွေတွေကို ခုထိ မထည့်ဝင်သေးတာပဲ ဖြစ်ပါတယ်လို့ အေဒီဘီ ညွှန်မှူးက ပြောပါတယ်။


                  မြန်မာ၊ ထိုင်းနဲ့ အာဆီယံ နိုင်ငံတွေကို အကျိုးဖြစ်ထွန်းစေမယ့် ဒီစီမံကိန်း အောင်မြင်မှာကို အေဒီဘီအနေနဲ့ အရမ်းကို လိုလားပါတယ်။ အေဒီဘီ နဲ့ ထားဝယ်စီမံကိန်းရဲ့ အဓိက ကန်ထရိုက်တာ အီတာလျံ-ထိုင်းကုမ္ပဏီတို့ တွေ့ဆုံ ဆွေးနွေးပြီးပေမယ့် ကုမ္ပဏီဘက်က ချေးငွေရဖို့ တရားဝင်ကမ်းလှမ်းတာ မရှိသေးပါဘူး။


                  ဒီစီမံကိန်းဟာ မြန်မာတွေကို အလုပ်အကိုင် (၅,၀၀၀) ကျော်ရရှိစေမယ်လို့ ခန့်မှန်းရပါတယ်။


                 လျှပ်စစ်ဓါတ်အား ပြတ်တောက်မှုဟာ အိမ်နီးချင်း မြန်မာ နိုင်ငံမှာ ရင်းနှီးမြှုပ်နှံဖို့အတွက် ပြဿနာတစ်ရပ်အဖြစ်ရှိနေဆဲပါ။ မြန်မာ အစိုးရ အနေနဲ့ ဘဏ္ဍာရေးနဲ့ တခြားပြုပြင်ပြောင်းလဲမှုတွေ လုပ်နေတဲ့ တချိန်ထဲမှာပဲ ပညာရေး နဲ့ လူ့အရင်းအမြစ် ဖွံ့ဖြိုးရေးအတွက် ပြုပြင်ပြောင်းလဲမှုတွေလုပ်ဖို့လည်း လိုအပ်နေပါတယ်။
(http://www.bangkokpost.com/news/transport/309949/adb-urges-thailand-to-build-cross-border-route-to-dawei)

(ဆက်ရန်)

ထားဝယ် သို့မဟုတ် ... : Development vs. Environment ? အပိုင်း (၆)

အပိုင်း (၆)

              ၂၀၁၂ မေလမှာ ကျင်းပခဲ့တဲ့ ကမ္ဘာ့စီးပွားရေး ဖိုရမ်မှာ ထိုင်းနိုင်ငံဝန်ကြီးချုပ် ယင်လတ်ရှင်နာဝပ်ထရာက အဖွင့်မိန့်ခွန်းမှာ “ထိုင်းနိုင်ငံအနေနဲ့ စီးပွားရေး ဖွံ့ဖြိုးရေး ဆောင်ရွက်ရာမှာ မြန်မာဘက်က ထားဝယ်အထူးစီးပွားရေးဇုန် နဲ့ လမ်းပန်း အခြေခံအဆောက်အဦတွေ တည်ဆောက်ပြီး တောင်ပိုင်းစင်္ကြန်အနေနဲ့ ထားဝယ်ကနေ ဘန်ကောက် ၊ ဘန်ကောက်ကနေ တောင်ဘက် လန်ချဘန် ဆိပ်ကမ်းကို ဆက်သွယ်ခြင်းဖြင့် မြန်မာဘက်က ကပ္ပလီပင်လယ်နဲ့ ထိုင်းတောင်ပိုင်းက ထိုင်းပင်လယ်ကွေ့ကို ဆက်သွယ်သွားမှာဖြစ်ပါတယ်” လို့ ပြောဆိုသွားခဲ့ပါတယ်။

(http://www.youtube.com/watch?v=JyKNrq3lnTk&feature=BFa&list=ECD1F6899714761299)


            ထိုင်းနိုင်ငံချင်းမိုင်တက္ကသိုလ်ရှိ တချို့သော ထိုင်းကျောင်းသူ၊ ကျောင်းသားတွေဟာ ယခုဆို မြန်မာစာ၊ မြန်မာစကားကို လေ့လာသင်ယူနေကြပါပြီ။ သူတို့ရဲ့ ရည်ရွယ်ချက်ကတော့ ကျောင်းပြီးလို့ ဘွဲ့ရတဲ့ အခါ မြန်မာဘက်ခြမ်းမှာ ထိုင်းနိုင်ငံက အထောင်အထည်ဖော်နေတဲ့ ထားဝယ်ရေနက်စီမံကိန်း နဲ့ မဟာစက်မှုဇုံစီမံကိန်းမှာ အလုပ်ဝင်ဖို့ပါပဲတဲ့။ (ဒါကတော့ သူတို့ကို မြန်မာစာသင်ပေးနေတဲ့ အစ်မ တစ်ယောက်က ပြောပြတာပါ။ )


Jan 26 2012
  
    ထားဝယ်နဲ့ ပတ်သတ်လို့ ထိုင်း- အိန္ဒိယတို့ရဲ့လားရာ

              မြန်မာနိုင်ငံတောင်ပိုင်းမှာ ရှိတဲ့ ခြောက်ကပ်ကပ်မြို့ငယ်လေး (The sleepy little town)  ဖြစ်တဲ့ ထားဝယ်ဟာ အိန္ဒိယ အနေနဲ့ ရင်းနှီးကျွမ်းဝင်မှု ရှိမှာမဟုတ်ပါဘူး။ ဒါပေမယ့် ဇွန်လမှာ အိန္ဒိယကို လာရောက်တဲ့ ငယ်ရွယ်တဲ့ ထိုင်းဝန်ကြီးချုပ်ရဲ့ ခရီးစဉ်အပြီးမှာတော့ ဒီမြို့လေးဟာ အိန္ဒိယ ရဲ့ နှစ်ပေါင်းများစွာလိုချင်နေတဲ့ ၊ အရှေ့တောင်အာရှနဲ့ချိတ်ဆက်ပေးမယ့် စင်္ကြန်ဒေသအဖြစ် ထင်ပေါ်လာပါတော့တယ်။


             နယူးဒေလီမှာ ရှိတဲ့ စီးပွားရေး အသိုင်းအ၀ိုင်းကို သူမပြောခဲ့တာကတော့ သူမတို့ အစိုးရအနေနဲ့ မြန်မာနိုင်ငံ ထားဝယ်ဒေသမှာ ရေနက်ဆိပ်ကမ်း နဲ့ မဟာစက်မှုဇုန်တည်ထောင်ပြီး အရှေ့တောင်အာရှရဲ့ဆက်သွယ်ချိတ်ဆက်မှုကို ပြောင်းလဲတိုးတက်စေဖို့ လုပ်ဆောင်နေတဲ့ အကြောင်းပါပဲ။


            ခန့်မှန်းရင်းနှီးမြှုပ်နှံမှု ဒေါ်လာ (၅၀) ဘီလီလျံကျော်ရှိမည့် ၊ အဆင့်အမျိုးမျိုးနဲ့ အကောင်အထည်ဖော်ဆောင်ရွက်မည့် ဒီစီမံကိန်းဟာ အရှေ့တောင်အာရှမှာ အခြေခံအဆောက်အဦအနေနဲ့ အကြီးဆုံး စီမံကိန်းကြီး ဖြစ်လာမယ်လို့ အမွမ်းတင်ခဲ့ပါတယ်။


                 လက်တွေ့အနေနဲ့ ကြည်လျှင်တော့ ဒီစီမံကိန်းဟာ တရုတ်ရဲ့မကြာခင်ကမှ တည်ထောင်ထားတဲ့ ပါကစ္စတန်က ဂွာဒါ (Gwadar) ၊ သီရိလင်္ကာက ဟန်ဘန်တိုတာ (Hambantota) နဲ့ မြန်မာမှာ တည်ထောင်နေတဲ့ ကျောက်ဖြူ စတဲ့ ဖွံ့ဖြိုးမှု စီမံကိန်းတွေကို ထပ်ပေါင်းလာမည့် စီမံကိန်းတစ်ခုပါပဲ။


                  တရုတ်ဆိပ်ကမ်းတွေနဲ့ မတူတဲ့ အချက်ကတော့ ဒီဒေသဟာ မဖွံ့ဖြိုးသေးတဲ့ ကုန်းတွင်းပိုင်းဒေသတွေ ၀န်းရံလျက်ရှိပြီး ၀န်ကြီးချုပ်ယင်လတ်ရဲ့ အဆိုပြုချက်အရ ချင်းနိုင်း-ထားဝယ်စင်္ကြန်ဟာ စီးပွားရေးအရ အလွန်ကောင်းမွန်အလားအလာရှိတဲ့ ဒေသတွေနဲ့ ဆက်သွယ်သွားမှာပါ။ ချင်းနိုင်းနဲ့ ထားဝယ်ဟာ လမ်းကြောင်းအရကြည့်မယ်ဆိုရင် ဘင်္ဂလားပင်လယ်ရဲ့ ဟိုဘက်ကမ်း ဒီဘက်ကမ်းမှာ တည်ရှိကြပြီး မျဉ်းဖြောင့် ဆွဲကြည့်လျှင် တစ်တန်းတည်းနီးပါးလောက်မှာ ရှိကြတာပါ။ (တချိန်က မဒရပ်လို့ ခေါ်တဲ့ အိန္ဒိယက ချင်းနိုင်းမြို့ဟာ ဘင်္ဂလားပင်လယ်ကမ်းခြေမှာရှိပြီး အိန္ဒိယတောင်ပိုင်းရဲ့ ကုန်သွယ်ရေး၊ စီးပွားရေး ၊ ပညာရေးနှင့် ယဉ်ကျေးမှုတို့ စုံစည်းရာ အချက်အချာ နေရာဖြစ်ပါတယ်။)


                ထားဝယ်ဖွံ့ဖြိုးမှု စီမံကိန်းဟာ လာမည့်အပတ် (၂၀၁၂၊ ဇွန်လကုန်လောက်) မှာလာရောက်ဖို့ရှိတဲ့ မြန်မာနိုင်ငံခြားရေး ၀န်ကြီး ဦး ၀ဏ္ဏမောင်လွင်နဲ့ တွေ့ဆုံတဲ့အခါလည်း  ဆွေးနွေးရမယ့် အကြောင်းအရာ တစ်ခု ဖြစ်လာပါတယ်။


          လွန်ခဲ့တဲ့ ဆယ်စုနှစ်တစ်ခုကျော်က အိန္ဒိယ၊ မြန်မာ နဲ့ ထိုင်းနိုင်ငံတို့ လမ်းပန်းဆက်သွယ်ရေးချိတ်ဆက်ဖို့ သုံပွင့်ဆိုင် သဘောတူညီထားခဲ့ကြပါတယ်။ ဒီမှုန်ဝါးဝါး သဘောတူညီချက်ကို ယင်လတ်က လက်တွေ့ အကောင်အထည်ဖော်ချင်နေပါတယ်။


          ချင်းနိုင်း-ထားဝယ်စင်္ကြန်ရဲ့ စိတ်ကူးအကြံအစည်ဟာ ရိုးရှင်းလွန်းပြီး အိန္ဒိယတောင်ပိုင်းက ထွန်းသစ်လာနေတဲ့ စက်မှုဒေသတွေကို အရှေ့တောင်အာရှကုန်းတွင်းပိုင်း ဗဟိုဒေသတွေ၊ တရုတ်၊ နောက် ထွန်းကားတဲ့ အရှေ့အာရှဈေးကွက် စတာတွေနဲ့ ချိတ်ဆက်ပေးနိုင်မှာ ဖြစ်ပါတယ်။


          ထိုင်းနိုင်ငံအနေနဲ့ ထားဝယ်ကနေ တရုတ်နိုင်ငံတောင်ပိုင်း၊ တောင်တရုတ်ပင်လယ်ဘက်ခြမ်းက ဗီယက်နမ် ကမ်းရိုးတန်းဒေသ၊ ကမ္ဘောဒီးယား နဲ့ ကုန်းတွင်းပိတ် လာအိုနိုင်ငံ တို့နဲ့ ချိတ်ဆက်တဲ့ ပို့ဆောင်ဆက်သွယ်ရေး စင်္ကြန်အဖြစ် လုပ်ဆောင်ဖို့ စီစဉ်နေပါတယ်။


          မြန်မာ၊ ထိုင်း နဲ့ မလေးရှားနိုင်ငံတို့ရဲ့နယ်မြေတွေ ဆုံရာ ကျဉ်းမြောင်းသေးသွယ်တဲ့ ကျွန်းဆွယ်ဟာ အိန္ဒိယသမုဒ္ဒရာ နဲ့ ပစိဖိတ် သမုဒ္ဒရာ တို့ကို ပိုင်းခြားစေတဲ့ အတားအဆီးတစ်ခု ဖြစ်နေပါတယ်။ ဒီသမုဒ္ဒရာ နှစ်ခုကြား များပြားလှတဲ့ ကုန်သွယ်မှုဟာ ကျဉ်းမြောင်း ပြီး အသွားအလာထူပြောထွန်းတဲ့ မလက္ကာရေလက်ကြားကို ဖြတ်သန်းပြီး လုပ်ဆောင်နေကြရပါတယ်။


                ဒီကျွန်းဆွယ်ကိုဖြတ်ပြီး သမုဒ္ဒရာ နှစ်ခုကြား ဆက်သွယ်နိုင်မယ့် ပိုမိုတိုတောင်းတဲ့ ဖြတ်လမ်းကို ရှာဖို့ ဒီဒေသမှာ ရှိတဲ့ အုပ်ချုပ်သူ အစိုးရတွေနဲ့ သင်္ဘောသားတွေဟာ ကြာရှည်စွာကတည်းက  စိတ်အားထက်သန်ခဲ့ကြပါတယ်။ ထိုင်းနိုင်ငံရဲ့စီမံကိန်းဟာ ဒီအိပ်မက်ကို လက်တွေ့အကောင်အထည်ဖြစ်ဖို့ အနီးစပ်ဆုံးပဲ ဖြစ်ပါတယ်။


               ထိုင်းကုမ္ပဏီတွေ အားပေးအားမြှောက်ပြုတဲ့ ဒီစီမံကိန်းဟာ တရုတ် နဲ့ ဂျပန်နိုင်ငံတို့ရဲ့ထောက်ခံမှုကိုလည်း ရရှိပြီးဖြစ်ပါတယ်။


              အရှေ့တောင်အာရှမှာ ပို့ဆောင်ဆက်သွယ်ရေးစင်္ကြန်တွေ ဖွံ့ဖြိုးမှုကို အကောင်အထည်ဖော်နေတဲ့ တရုတ်နိုင်ငံအနေနဲ့ ဒီလို တခြားကွန်ယက်တစ်ခုမှာပါ ၀င်ရောက်ပြီး ရင်းနှီးမြှုပ်နှံဖို့ လိုလားပါတယ်။ဘန်ကောက်မှာ အခွန်ကင်းလွတ်တဲ့ကုန်သွယ်ရေးဗဟိုဌာနတစ်ခု ထူထောင်ပြီး အဲ့ဒီကနေ အိန္ဒိယသမုဒ္ဒရာ ဒေသနဲ့ ကုန်သွယ်ရေးကို မြှင့်တင်ဖို့ စီစဉ်နေပါတယ်။


               သြဇာလွှမ်းမိုးမှုအားနည်းလာတဲ့ ဂျပန်နိုင်ငံဟာ အရှေ့တောင်အာရှ မှာ သံတမန်နည်းလမ်းဖြင့် နိုင်ငံရေးလှုပ်ရှားမှုတွေကို အားပေးလာပြီး အိန္ဒိယ နဲ့တောင်အာရှတွေနဲ့ ပေါင်းစည်းလုပ်ဆောင်မှုကို ခိုင်ခိုင်မာမာ ထောက်ခံရပ်တည်နေပါတယ်။


           အိန္ဒိယသမုဒ္ဒရာဒေသမှာ မကြာခင်ကာလတွေက အံ့မခန်းတိုးတက်လာတဲ့ အခြေခံအဆောက်အဦဖွံ့ဖြိုးမှုနဲ့ ဝေးကွာခဲ့တဲ့ အိန္ဒိယဟာ ယခုတော့ ဒေသတွင်း ရုပ်ဝတ္ထုပိုင်းဆိုင်ရာ၊ စီးပွားရေးဆိုင်ရာ ပေါင်းစည်းလုပ်ဆောင်ရာမှာ ပါဝင်နိုင်ဖို့   ကြိုဆိုစရာ အခွင့်အရေးတစ်ခုကိုရရှိလာပြီ ဖြစ်ပါတယ်။

(ဒီဆောင်းပါးကို ရေးသားခဲ့သူဟာ ဒေလီက မူဝါဒရေးရာ သုတေသနဌာနမှာ အကြီးတန်း အဖွဲ့ဝင်ဖြစ်ပါတယ်။ )


Source :  http://www.indianexpress.com/news/thai-pm-for-chennaidawei-corridor/904138/0

ချင်းနိုင်း-ထားဝယ် -ဘန်ကောက် တည်နေရာ အခြေအနေ။ Credit - The Indian Express

ထားဝယ် သို့မဟုတ် ... : Development vs. Environment ? အပိုင်း (၅)

အပိုင်း(၅)

15/11/2010

 မတ်တာဖွတ်စက်မှုဇုံမှာ ရှိတဲ့ စက်မှုလုပ်ငန်းဆိုင်ရာ စီမံကိန်းအချို့ကို မကြာခင်ကမှ ရပ်ဆိုင်းဖို့ တရားရုံးက အမိန့်ချပြီးတဲ့နောက် ထိုင်းနိုင်ငံတောင်ပိုင်းနဲ့ ကပ်နေတဲ့ မြန်မာနိုင်ငံက ထားဝယ်ဒေသဟာ အကြီးစား စက်မှုလုပ်ငန်းစီမံကိန်းတွေအတွက် ပိုမိုမျက်စိကျစရာနေရာဖြစ်လာပါတော့တယ်။



            ၂၀၀၉ ခုနှစ်မှာ တရားရုံးက မတ်တာဖွတ်စက်မှုဇုံမှာ ရှိတဲ့ စီမံကိန်းတချို့ကို ရပ်ဆိုင်းခိုင်းလိုက်ခြင်းဟာ ထိုင်းနိုင်ငံ  စက်မှုဖွံ့ဖြိုးရေးကို ချောင်ပိတ်ရိုက်လိုက်သလို ဖြစ်သွားပါတယ်။ လက်ရှိ ပြဿနာကို ဒီတစ်ကြိမ် ဖြေရှင်းနိုင်မှာ ဖြစ်ပေမယ့် အလားတူ ပြဿနာမျိုး နောက်ထပ်ပေါ်ပေါက်လာနိုင်စရာရှိတယ်လို့ တချို့က မှန်းဆကြပါတယ်။


              ရွေးချယ်စရာ ထွက်ပေါက် တစ်ခုကတော့ ပတ်ဝန်းကျင်ညစ်ညမ်းမှုကို ဖြစ်စေတဲ့ ဒီအကြီးစားစက်မှုလုပ်ငန်းတွေကို မြန်မာနိုင်ငံဘက်ခြမ်းကို ရွှေ့ပြောင်း လုပ်ကိုင်ဖို့ပဲ ဖြစ်ပါတယ်။


               မြန်မာဘက်မှာရှိတဲ့ ဘင်္ဂလားပင်လယ်အော်နဲ့ ထိုင်းဘက်က ထိုင်းပင်လယ်ကွေ့တို့ကြား အနီးဆုံးဖြစ်နေတဲ့ တနင်္သာရီကမ်းမြောင်ဒေသမှာ ရှိတဲ့ ထားဝယ်ဒေသဟာ ကျိုးကြောင်းဆီလျော်တဲ့ ရွေးချယ်စရာဖြစ်လာပါတယ်။


                 ထိုင်းတောင်ပိုင်းမှာ ရှိတဲ့ စက်မှုဇုံတွေမှာ ပတ်ဝန်းကျင် ညစ်ညမ်းမှု သက်သာစေမည့် ပစ္စည်း ကိရိယာတွေ ထပ်ပေါင်းတပ်ဆင်မယ့် အစား အကြီးစား စက်မှုလုပ်ငန်းစီမံကိန်းတွေကို မြန်မာဘက်ခြမ်းက ထားဝယ်ဒေသကို ရွှေးပြောင်းလုပ်ဖို့ရှိတယ်လို့ ထိုင်းအစိုးရတဲ့ စီးပွားရေး မူဝါဒဆိုင်ရာ ပညာရှင်အဖွဲ့အစည်းက တပ်လှန့်လိုက်ပါတယ်။


                အင်မတန်ကြီးမားတဲ့ ဖွံ့ဖြိုးမှုစီမံကိန်းအတွက် ထားဝယ်ဒေသကို ချွန်ဘူရီမှာ ရှိတဲ့ အရှေ့ပိုင်းပင်လယ်ကမ်းခြေဒေသနဲ့ ဆက်သွယ်နိုင်ဖို့ ထိုင်းအစိုးရအနေနဲ့  အခြေခံအဆောက်အဦတွေဆောက်လုပ်ဖို့ လိုအပ်ပါတယ်။


              ထားဝယ်ဒေသမှာ အီတာလျံထိုင်းကုမ္ပဏီက အဓိက ကန်ထရိုက်အနေနဲ့ အကောင်အထည်ဖော်မယ့် ကြီးမားတဲ့ ဆိပ်ကမ်း ဖွံ့ဖြိုးရေး နဲ့ စက်မှုဇုံဖွံ့ဖြိုးရေး အတွက် မြန်မာ အစိုးရအနေနဲ့ အားပေးအားမြှောက်ပြုနေပါတယ်။ ဒီစီမံကိန်းမှာ ပထမအဆင့်ကန်ထရိုက်အဖြစ်  ဒေါ်လာ (၈) ဘီလီလျံတန်ဖိုးရှိတဲ့ ဆယ်နှစ်စာ စီမံကိန်းကို လက်မှတ်ရေးထိုးခဲ့ပါတယ်။။ စီမံကိန်းအားလုံးရဲ့တန်ဖိုးဟာ ဒေါ်လာ (၅၈) ဘီလီလျံ  သို့မဟုတ် သူ့ထက်ပိုဖို့ပဲ ရှိပါတယ်။


  လက်ရှိတော့ ထားဝယ်မှာ ဘာမှ ကြီးကြီးကျယ်ကျယ် မရှိသေးပါဘူး။ ဒါပေမယ့် ဆိပ်ကမ်းစီမံကိန်းဟာ ထိုင်းနိုင်ငံမှာ ရှိတဲ့ လမ်ချဘန် (Laem Chabang) ရဲ့ဆယ်ဆမျှ ကြီးမားမှာ ဖြစ်ပါတယ်။ (လမ်ချဘန်ဆိပ်ကမ်းဟာ ထိုင်းနိုင်ငံရဲ့ အကြီးဆုံးဆိပ်ကမ်းဖြစ်ပြီး ၂၀၀၅ ခုနှစ် မှာ ကမ္ဘာပေါ်မှာ ရှိတဲ့ ဆိပ်ကမ်းတွေထဲမှာ နံပါတ် (၂၀)  ခုမြောက် အလုပ်အများဆုံးဆိပ်ကမ်းလည်း ဖြစ်ပါတယ်။ ထိုင်းအစိုးရရဲ့ အရှေ့ဘက်ပိုင်း ကမ်းခြေဖွံ့ဖြိုးရေးမှာ လမ်ချဘန်က အဓိက အရေးပါတဲ့ အခန်း
ကဏ္ဍမှာ ရှိနေပါတယ်။)


                ထားဝယ်မှာ ရင်းနှီးမြှုပ်နှံဖို့ ဆိုင်းပြင်းနေတဲ့ ကုမ္ပဏီတွေကတော့ ရေနံကုမ္ပဏီဖြစ်တဲ့ PTT၊  ဘိလပ်မြေကုမ္ပဏီ ဖြစ်တဲ့ Siam Cement Group နဲ့ ဂျပန်က သံမဏိ ကုမ္ပဏီဖြစ်တဲ့ the upstream complex တွေပဲဖြစ်ပါတယ်။


          အမျုိုးသား စီးပွားရေး နှင့် လူမှု ဖွံ့ဖြိုးမှုဘုတ်အဖွဲ့ရဲ့ အတွင်းရေးမှုးရေးမှူးချုပ်ဖြစ်တဲ့ အာခုန် (Arkhom Termpitthayapaisith) က စက်မှုလုပ်ငန်းတွေကို မြန်မာဘက်ကို ရွှေ့ပြောင်းဖို့လုပ်နေတာဟာ မတ်တာဖွတ်နဲ့ ထိုင်းတောင်ပိုင်းမှာ ဖြစ်နေတဲ့ ပတ်ဝန်းကျင် ဆိုင်ရာ ကိစ္စတွေရဲ့ ရိုက်ခတ်မှုပဲ လို့ ပြောပါတယ်။

         စစ်တမ်းကောက်ယူမှုအရ ထိုင်းတောင်ပိုင်းမှာ  ရှိကြတဲ့ ဒေသခံတွေဟာ ရေနံချက်စက်ရုံ၊ ရေနံဓါတုဆိုင်ရာ စက်ရုံတွေကို လက်ခံဖို့ သဘောမတူတဲ့ အတွက် ရနောင်းခရိုင်ရဲ့မတ်တာဖွတ်ဒေသမှာ ဒီကြီးမားတဲ့ ဒီစက်မှုလုပ်ငန်းတွေကို ဘယ်လိုမှ တည်လို့ မဖြစ်နိုင်ပါဘူး ဆိုတာကတော့ ရှင်းလင်းနေပါတယ်။


          ထိုင်းအစိုးရဟာ စက်မှုနဲ့ ရေနံဓါတုပစ္စည်းစက်ရုံတွေအတွက် ဆောင်ခလ (Songkhla) နဲ့ နပ်ခုန် (Nakhon Si Thammarat)ဒေသတွေမှာ နှစ် (၂၀) စာအတွက် ပြောခဲ့ပါသေးတယ်။ ဒါပေမယ့် ဘာတစ်ခုမှ ဖြစ်မလာခဲ့ပါဘူး။


          ခုတော့ မြန်မာဘက်ကို အာရုံပြောင်းလွဲသွားပါပြီ။ ပို့ဆောင်ရေးဝန်ကြီးဌာနကတော့ ကန်ချနပူရီကို ဖြတ်ပြီး ထားဝယ်နဲ့ အရှေ့ပိုင်းကမ်းခြေ၊ အဲ့ကမှ တဆင့် ကမ္ဘောဒီးယားကို လမ်းကြောင်းချိတ်ဆက်ဖို့ လေ့လာနေပါတယ်။


          အာခုန် ပြောတာက ၀န်ကြီးချုပ် အဘီဆစ်ဟာ ဂျီ-၂၀ အစည်းအဝေးမှာ တရုတ်အစိုးရနဲ့သီးသန့် တွေ့ဆုံတဲ့အခါ ထားဝယ်စီမံကိန်းမှာ ထိုင်းရဲ့အမတာ ကော်ပိုရေးရှင်း (Amata Corp) က တာဝန်ယူလုပ်မယ့် နယ်မြေထဲမှာ တရုတ်ကုမ္ပဏီတွေပါဝင်လုပ်ကိုင်ဖို့ တိုက်တွန်းခဲ့ပါတယ်တဲ့။


          တရုတ်နိုင်ငံကလည်း နိုင်ငံတောင်ပိုင်းဒေသရဲ့ပင်လယ်ထွက်ပေါက်လမ်းကြောင်းအတွက် တရုတ်ကနေ ထားဝယ်ထိ ရထားလမ်းဖောက်လုပ်ဖို့ စီစဉ်နေပါတယ်။


          ထားဝယ်ရဲ့ကြီးမားကျယ်ပြန့်တဲ့ အခြေခံအဆောက်အဦ စီမံကိန်းဟာ ထိုင်းနိုင်ငံအတွက် အရှေ့အလယ်ပိုင်းနဲ့တောင်အာဖရိကမှ သဘာဝဓါတ်ငွေ့၊ သံမဏိစက်မှုလုပ်ငန်းအတွက် သတ္တုရိုင်းစတဲ့ ကုန်ကြမ်းတွေကို ပိုမိုအလွယ်တကူရနိုင်စေပြီး ထိုင်းရဲ့ယှဉ်ပြိုင်နိုင်မှုပိုမိုအားကောင်းလာစေမှာ ဖြစ်ပါတယ်။


          သင်္ဘောတွေအနေနဲ့ မလက္ကာရေလက်ကြားကို ဖြတ်သန်းစရာမလိုတဲ့အတွက် ထိုင်းနိုင်ငံအနေနဲ့သယ်ယူပို့ဆောင်ရေးကုန်ကျစရိတ်လည်း ပိုမိုသက်သာလာလိမ့်မယ်လို့ အာခုန်က ခန့်မှန်းပါတယ်။


          အိန္ဒိယ နဲ့ အရှေ့အလယ်ပိုင်းကို ဆက်သွယ်ဖို့ ရေလမ်းထွက်ပေါက်ဖြစ်တဲ့ ပတ်ဘရာ (Pak Bara) ရေနက်ဆိပ်ကမ်းဟာ ထားဝယ်စီမံကိန်းကို အထောင်အထည်ဖော်ပြီးတဲ့ အခါမှာတော့ မှေးမှိန်သွားလိမ့်မယ်လို့ ယူဆနေကြပါတယ်။
(http://www.bangkokpost.com/learning/learning-from-news/206507/heavy-industry-relocation-to-burma)
           ကျွန်တော့်စိတ်ထဲမှာတော့ ထိုင်းနိုင်ငံဟာ သူတို့ရဲ့ အဆိပ်သင့် အမှိုက်ထုတ်ကြီးကို မြန်မာနိုင်ငံဘက်ခြမ်းကို ပို့ဖို့ အားသွန်ခွန်စိုက် လုပ်ဆောင်နေပါတယ်။ သူတို့ နိုင်ငံမှာ ညမ်းညမ်းမှုသက်သာစေမယ့် ကိရိယာတွေကို မတပ်ဆင်ဘဲ ကျွန်တော်တို့ နိုင်ငံကို ရွှေ့ဖို့ရွေးချယ်လိုက်တယ်။ အဲ့ ကိစ္စတွေကို ကျွန်တော်တို့ရဲ့ အစိုးရလူကြီးတွေကော သတိမှပြုမိကြရဲ့လား။ သတိပြုမိတယ်ဆိုရင်ကော ကိုယ့်နိုင်ငံသားတွေ ၊ ကိုယ့်တိုင်းပြည်ရဲ့ ပတ်ဝန်းကျင်တွေ အတွက် ဘာတွေများ ပြင်ဆင်ထားပါသလဲ။    

         သူတို့ကုမ္ပဏီတွေက လက်လွတ်စပယ်လုပ်ခဲ့မယ်ဆိုရင် ထိန်းချုပ်ဖို့ ပတ်ဝန်းကျင် ဥပဒေက ဘယ်လိုလဲ။ အသေးစိတ် လုပ်ငန်းစဉ်တွေ ပါရမယ့် နည်းဥပဒေထွက်လာလျှင်ကော သူတို့ကို ဥပဒေအတိုင်း အကောင်အထည်ဖော် (Enforce) လုပ်နိုင်ပါ့မလား။ အဲ့လို Enforce လုပ်မယ့် ၀န်ထမ်းတွေကရော ဘယ်လို အရည်အချင်းတွေ ရှိနေရပါမလဲ။ စီမံကိန်းတွေ မစခင် သို့မဟုတ် စီမံကိန်း သဘောတူညီမှု မရခင်မှာ EIA ၊ HIA  ကို ကော မဖြစ်မနေဆောင်ရွက်ခိုင်းဖို့ စည်းမျဉ်း ဥပဒေတွေက ပြဌာန်းထားသလား သို့မဟုတ် ပြဌာန်းမှာပါလား။ နောက် ထိုင်းပတ်ဝန်းကျင် ဥပဒေမှာတောင် မပါလို့ ဒေသခံတွေ ခံစားနေရတဲ့ VOC  (Volatile organic compounds) နဲ့ ပတ်သတ်တဲ့ စံ တွေကော သတ်မှတ်ပြဌာန်းမှာပါလား။ 

          ပထ၀ီသွင်ပြင်အရ အရေးပါတဲ့ မဟာဗျူဟာကျတဲ့ နေရာမှာ တည်ရှိတဲ့ ထားဝယ်ဒေသ ကို အရင်း ပြုပြီး ကျွန်တော်တို့ ဘယ်လောက် အကျိုးအမြတ်ရကြမှာလဲ။ အဲ့အကျိုးအမြတ်တွေရဖို့ ဘယ်သူတွေက ဘယ်လောက်များပေးဆပ်ကြရမှာလဲ။    

        မိတ်ဆွေကော ဘယ်လိုတွေးမိပါလဲ။ မိတ်ဆွေရဲ့ အတွေးကိုလည်း သိချင်စမ်းလှပါဘိ။


 (ဆက်ရန်)

Picture- Bangkok Post